كىشى قاجىلىقتا كوز جۇمعان جەرلەسىمىز ماديناداعى باقيع زيراتىنا جەرلەندى - فوتو

قاسيەتتى كۇنى، قاسيەتتى قالادا قايتىس بولعان قانداسىمىزعا مادينا شاھارىنداعى باقيع زيراتىنان توپىراق بۇيىردى.

ساپارلاستارىنىڭ ايتۋىنشا، ءبيسسارا اپامىز ۇشۋعا دايىندالىپ، زاتتارىن تومەنگە ءتۇسىرىپ جۇرگەن كورىنەدى. دەنساۋلىعى دا قاز- قالپىندا، اپامىز شيراق بولعان ەدى دەيدى قاسىنداعىلار. دەگەنمەن، اجال ايتىپ كەلمەيتىنى بەلگىلى.

ءبيسسارا اپامىزدىڭ تۋعان- تۋىستارىنىڭ قايعىلارىنا ورتاقتاسىپ، كوڭىل بىلدىرەمىز! يمانى جولداس بولعاي!ادامزاتتىڭ ابزالى مۇحاممەد (س. ع. س. ) پايعامبارىمىز ءبىر سوزىندە: «...راسىندا، مەن مادينادا قايتىس بولعاندارعا شاپاعات ەتەمىن»، - دەگەن ەكەن. مارقۇم اپامىزعا پايعامبارىمىزدىڭ شاپاعاتى ءناسىپ بولسىن!

www.muslim.kz