مەملەكەت باسشىسى قىز- كەلىنشەكتەرگە بىرنەشە كەڭەس بەردى
«ايەل، ەڭ الدىمەن، ءوز بالالارىنان، ءوز ۇستەلىنەن، دۇكەنگە بارعاندا ءوز قالتاسىنان ءال- اۋقاتتى سەزىنەدى. سوندىقتان مەملەكەت حالىقتىڭ ءال- اۋقاتىن ويلاعان كەزدە، ول، ەڭ الدىمەن، وتباسىنىڭ ۇيىتقىسى - سىزدەر تۋرالى ويلاعان بولىپ شىعادى. ال ءبىز، ەرلەر، سىزدەرسىز قايدا بارامىز؟! توڭىرەكتەرىڭىزدە جۇرەمىز. ءبىراق ءبىزدى دە تۇساۋلاپ ۇستاۋ كەرەك: اينالىپ- اينالىپ قازىعىن تاباتىنداي. سوندا وتباسى بەرىك بولادى»، - دەدى ول اقوردادا 8 - ناۋرىز قارساڭىندا قازاقستان ايەلدەرىمەن كەزدەسكەن كەزدە.
مەملەكەت باسشىسى ايەلدەردىڭ قوعامنىڭ ءمورالدىق نەگىزىن ساقتاۋداعى ءرولىنىڭ ەرەكشە ەكەنىن ايتتى. «ارينە، مەنى جاستار اراسىندا بايقالاتىن كەيبىر ساتتەر الاڭداتادى. اجىراسۋلار، باسقا دا جاعدايلار از ەمەس. مۇنداي جايتتار قاشاندا بولعان، ءبىراق قازىر مىنەز- قۇلىق ەركىن بولا باستادى. سوعان قاراماستان، مەملەكەتتىڭ ءمورالدىق نەگىزى سىزدەرگە بايلانىستى. ەگەر ايەل ادام كوشەدە باسىن تىك كوتەرىپ، ەشكىمگە قاراماي جۇرسە، وعان ەشكىم دە جاقىندامايدى. ال ەگەر ول جان- جاعىنا كوزىن سۇزەتىن بولسا، وعان ءبارى جابىسا باستايدى»، - دەدى پرەزيدەنت.
«شىن مانىندە، ەركەكتەردى سىزدەر تاڭدايسىزدار، ولار سىزدەردى ەمەس. ولار وزدەرىنشە سولاي ويلايدى. سوندىقتان ءبارى جاقسى بولۋى ءۇشىن دۇرىس تاڭداۋ جاساڭىزدار»، - دەدى مەملەكەت باسشىسى.
