العاش رەت قازاقستان قارۋلى كۇشتەرىندە سپورت كەڭەسى قۇرىلدى
كەڭەستىڭ ءتوراعاسى ق ر ق م ارميا ورتالىق سپورت كلۋبىنىڭ باستىعى پولكوۆنيك ەرلان تالاسبايەۆ بولدى، ال ونىڭ قۇرامىنا اسكەر تۇرلەرى مەن تەكتەرىندە، وڭىرلىك قولباسشىلىقتاردا دەنە دايارلىعى جانە سپورت ءۇشىن جاۋاپتى اسكەري قىزمەتشىلەر، قازاقستانداعى اسكەري وقۋ ورىندارىنىڭ دەنە دايارلىعى كافەدرالارىنىڭ وكىلدەرى ەندى، دەپ اقپارات تاراتتى ق ر قورعانىس مينيسترلىگىنىڭ باسپا ءسوز قىزمەتى.
قۇرىلعان سپورت كەڭەسى اسكەري قىزمەتشىلەر مەن ولاردىڭ وتباسىلارى، اسكەرگە شاقىرتىلۋعا دەيىنگى جاسوسپىرىمدەر اراسىندا بۇقارالىق سپورت قوزعالىسىن دامىتۋعا، سالاۋاتتى ءومىر سالتىن جانە ارميا سپورتشىلارىنىڭ جەتىستىكتەرىن بەلسەندى ناسيحاتتاۋعاسەپتىگىن تيگىزەدى. سونداي-اق ق ر قارۋلى كۇشتەرى اۋقىمىندا جارىستاردى جانە سپورتقا قاتىستى ءىس- شارالاردى، ق ر ق ك قۇراما كومانداسىنا سپورتشىلاردى ىرىكتەۋ جۇمىستارىن ۇيىمداستىرۋ جانە وتكىزۋ ءتارتىبىن قاداعالايدى. كەڭەس اسكەر تۇرلەرى، تەكتەرى، وڭىرلىك قولباسشىلىقتار، اسكەري بولىمدەر مەن مەكەمەلەردىڭ قولباسشىلىعىمەن ءوزارا ءىس- قيمىل اياسىندا دەنە دايارلىعى مەن بۇقارالىق سپورت ءجۇمىستارىىس- شارالارىن ءتيىمدى ۇيىمداستىرۋ تۋرالى ۇسىنىستار ازىرلەۋدى جوسپارلاپ وتىر.
ەڭ ماڭىزدى ماسەلەلەردى سپورت كەڭەسى كەمىندە جىلىنا ەكى رەت وتەتىن وتىرىستاردا تالقىلايتىن بولادى.
