تابيعات: ءومىر ءۇشىن ارپالىسقان توقىلداق اققالاقتى ارقالاپ ۇشتى

 ورنيتولوگ عالىم دجەيسون ۋوردتىڭ تۆيتتەردەگى پاراقشاسىندا العاش رەت جاريالاعان فوتوسۋرەت ءبىر تاۋلىككە جەتەر جەتپەس ۋاقىتتا 6,5 مىڭعا جۋىق رەت رەتۆيت جاسالادى. فوتو 5 مىڭ رەت تاڭداۋلى سۋرەت رەتىندە جاريالاندى.

 فوتودا اققالاق توقىلداقتىڭ ارقاسىنا ءمىنىپ، ۇشىپ بارا جاتقانداي كورىنەدى. «Business Insider» جاريالاعان كەلەسى سۋرەتتەردە قۇس پەن اققالاقتىڭ جەرگە قۇلاپ، ءومىر ءۇشىن ارپالاسىپ جاتقانى بەينەلەنگەن.

 لە- مەي- ءدىڭ ايتۋىنشا، اققالاقتىڭ توقىلداققا ءمىنىپ ۇشقىسى كەلگەندىكتەن ەمەس، ونى جەپ قويعىسى كەلىپ، جارماسىپ العان. ال توقىلداق قورعانۋ ءۇشىن اۋەگە كوتەرىلگەن.

قالاي بولعاندا دا حايۋاناتتار الەمىنىڭ بۇل توسىن قىلىعى ادامداردىڭ تاڭدانىسىن تۋعىزىپ، قىزىعۋشىلىعىن ارتتىردى.

 اققالاق (Mustela nivalis) - سۋسارلار تۇقىمداسىنا جاتاتىن سۇتقورەكتى. اققالاقتى كەيدە اق قيا نەمەسە اق قۇلاق دەپ تە اتايدى. دەنە ۇزىندىعى 11 دەن 26 س م دەيىن، قۇيرىعى 1,3-4 س م، سالماعى 43-250 گ كەلەدى. دەنەسى جىڭىشكە، يكەمدى. جازدا ءتۇسى كۇڭگىرت-جيرەن، (دەنەسىنىڭ استىڭعى جاعى اق)، قىستا، اق. ءارتۇرلى تابيعي جاعدايلاردا تىرشىلىك ەتەدى. قازاقستاننىڭ ورمان- توعايلارىندا، وزەن- كول جاعالارىندا، ساي- سالالارىندا، تاۋ القاپتارىندا، ءشول- شولەيتتى جەرلەرىندە كەزدەسەدى. جىرتقىش، ۇساق كەمىرۋشىلەرمەن قورەكتەنەدى. 3-10 عا دەيىن، نەگىزىندە 4- 7 كۇشىگى بولادى. اققالاق - پايدالى اڭ. ونىڭ اربىرەۋى جىلىنا اۋىل جانە ورمان شارۋاشىلىقتارىنا وراسان زور زيان كەلتىرەتىن 2,5-3 مىڭداي ۇساق كەمىرگىشتەردى قۇرتادى.