ازياداعى تاۋلاردىڭ ەكولوگيالىق جۇيەسى عالىمداردىڭ الاڭداۋشىلىعىن تۋعىزدى
«كونفەرەنتسيا ماقساتى - گيمالاي، گينديكۋش، پامير جانە تيان-شان تاۋ شىڭدارىنداعى مۇزداقتار ماسەلەسىنىڭ تالقىلانۋ اياسىن كەڭىتۋ»، - دەيدى «Integrated Mountain Development» حالىقارالىق ورتالىعىنىڭ ديرەكتورى دەۆيد مولدەن.
ساراپشىلاردىڭ مالىمەتى بويىنشا، ازيادا 64 مىڭ شارشى مەتر اۋماقتى الىپ جاتقان 54 مىڭ مۇزداقتار شوعىرى بولعان. الايدا، سوڭعى 30 جىلدا بۇل كورسەتكىش 24 پايىزعا ازايعان. اتالعان ماسەلە عالىمداردىڭ الاڭداۋشىلىعىن تۋعىزىپ وتىر. سەبەبى، مۇزدى مەتامورفوزالار بۇكىل ازيادا كۇردەلى ەكولوگيالىق اۋىتقۋلارعا سەبەپ بولۋى مۇمكىن.
تاۋلى اۋدانداردى كەشەندى يگەرۋ بويىنشا حالىقارالىق ورتالىق - 1983 جىلى قۇرىلعان. ول: اۋعانستان، ءۇندىستان، پاكىستان، قىتاي، نەپال، بۋتان، ميانما جانە بانگلادەش ماماندارىنىڭ باسىن بىرىكتىرەدى. ۇيىمنىڭ نەگىزگى ماقساتى - ازيا تاۋلارىنىڭ ەكوجۇيەسىن زەرتتەۋ.
