تۇتقىندا بولعان ديپلومات ەلىنە ورالدى

استانا. قازاقپارات - وسىدان ءۇش جىل بۇرىن يەمەندە «ءال- كايدا» سودىرلارى ۇرلاپ كەتكەن ساۋد ارابيا ديپلوماتى ابدۋللا ال- حالدي (Abdullah al-Khaldi) وتانىنا ورالدى، دەپ حابارلايدى Associated Press.

ساۋد ارابيا ءى ءى م- نەن مالىمدەگەندەي، تۇتقىندا بولعان ال- حالديدىڭ بوساپ شىعۋىنا بارلاۋ قىزمەتىنىڭ كومەگى كوپ ءتيدى. سونداي-اق مينيسترلىكتەگىلەر «كورولدىكتىڭ ءاردايىم ءوز قاراماعىنداعىلاردى قورعاۋعا جانە ولاردىڭ قاۋىپسىزدىگىن قامتاماسىز ەتۋگە دايىن ەكەندىگىن» اتاپ ءوتتى.

2012 - جىلدىڭ ناۋرىز ايىندا ادەن قالاسىندا كونسۋل ورىنباسارىنىڭ قىزمەتىن اتقارىپ جۇرگەن ال- حالديدى «ءال- كايدا» سودىرلارى تۇتقىنعا العان ەدى.

ءتورت ايدان كەيىن ال- حالديدىڭ ساۋد كورولىنەن ونى ۇرلاپ كەتكەندەردىڭ تالابىن ورىنداۋدى وتىنگەن ۆيدەوسىن سودىرلار ينتەرنەتكە ورنالاستىرادى. روليكتە ديپلومات «ەگەر ساۋد ارابيا بيلىگى سودىر ايەلدەردى بوساتسا، وندا ول دا ازات ەتىلەتىنىن» مالىمدەگەن.

BNews.kz