استانادا ارەندالىق باسپانا كەزەگىنە عالامتور ارقىلى تىركەلۋگە بولادى
بۇل تۋرالى بۇگىن ارەندالىق باسپانا قۇرىلىسى باعدارلاماسىنىڭ ورىندالۋ بارىسىن قاداعالاۋشى قوعامدىق كەڭەسىنىڭ وتىرىسىندا استانا اكىمىنىڭ ورىنباسارى اندرەي لۋكين ءمالىم ەتتى.
«ايماقتاردى دامىتۋ 2020 باعدارلاماسىنىڭ جاڭاشىلدىقتارىنىڭ بىرىنە ەرەكشە توقتالعىم كەلەدى. بۇل - قۇجاتتاردى عالامتور ارقىلى قابىلداۋ. اقپاراتتىق تەحنولوگيالار ورتالىعىمەن بىرلەسىپ، قالا اكىمدىگى قۇجاتتاردى ءوتىنىش بەرۋشىنىڭ ەلەكتروندى قولتاڭباسى ارقىلى قابىلداۋدىڭ جاڭا پلاتفورماسىن جاسادى. اتالعان شارا قۇجاتتاردى قابىلداۋ ۋاقىتىن ازايتادى جانە ادامي فاكتوردى الىپ تاستايدى. سەبەبى ءوتىنىشتى قاراستىرۋ كەزىندە قاتىسۋشى تۋرالى اقپاراتتار اۆتوماتتى تۇردە مەملەكەتتىك ورگانداردىڭ اقپاراتتىق جۇيەلەرىنەن الىنىپ وتىرادى»، - دەدى ول.
ونىڭ سوزىنە قاراعاندا، مۇنداي ءتاسىل اشىقتىقتى قامتاماسىز ەتەدى، سونداي-اق قاتىسۋشىلاردىڭ قۇجات تاپسىرۋ كەزىندە ۇزىن- سونار كەزەككە تۇرۋىن قاجەت ەتپەيدى.
قازىرگى ۋاقىتتا استانا بويىنشا 36 مىڭنان استام ادام پاتەر كەزەگىندە تۇر. لۋكيننىڭ ايتۋىنشا، بۇل ەل بويىنشا ەڭ جوعارى كورسەتكىش.
اۆتور: جاسۇلان جولدىبايەۆ
