14:41, 01 - ناۋرىز 2015 | GMT +5
فينليانديانىڭ ۇلتتىق راديوسىنان قۇران سۇرەلەرى وقىلماق
استانا. قازاقپارات - فينليانديانىڭ Yle اتتى ۇلتتىق راديوسى جۇمىس جوسپارىنا جاڭا باعدارلاما ەنگىزدى. ەندى فيندىكتەر ۇلتتىق راديولارىنان قاسيەتتى قۇران كارىمدى تىڭدايتىن بولادى.
جارتى ساعاتقا سوزىلاتىن باعدارلاما جالپى سانى 60 بولىمگە بولىنگەن. 7- ناۋرىز كۇنى باستاۋ الاتىن جوبا «فيندىكتەردىڭ مۇسىلماندىق مادەنيەتى دەڭگەيىن كوتەرۋگە» ارنالادى، دەلىنگەن ق م د ب رەسمي سايتىندا.
فينليانديانىڭ مۇسىلماندار جاماعاتىنىڭ باسشىسى اناس حادجار مەن قۇراندى فين تىلىنە اۋدارعان پروفەسسور يااككو حامين-انتتيلا باعدارلامانىڭ ەكىنشى بولىمىندە قاسيەتتى قۇران اياتتارىننىڭ ماعىناسىن تۇسىندىرەتىن بولادى.
رەسمي دەرەكتەر بويىنشا، بۇل ەلدە 60000 مۇسىلمان جاماعاتى تۇرادى.
