استانادا «نۇرلى جول» باعدارلاماسى بويىنشا تۇرعىن ۇيگە قۇجات قابىلداۋ باستالدى

بۇل تۋرالى astana.gov.kz سايتى حابارلايدى.

اعىمداعى جىلدىڭ ناۋرىز ايىندا «قازاقستاندىق يپوتەكالىق كومپانيا» يپوتەكالىق ۇيىمى» ا ق ەسىل وزەنىنىڭ سول جاعالاۋىندا ورنالاسقان (بەيسەكوۆ كوشەسى) تۇرعىن ۇيدە كەيىننەن ساتىپ الۋمەن جالعا بەرىلەتىن 86 پاتەردى ىسكە اسىرۋدى جوسپارلاۋدا، ونىڭ ىشىندە: - اۋدانى 53,6-دان 57,9 ش. م. -گە دەيىن ەكى بولمەلى 13 پاتەر؛ - اۋدانى 76,9-دان 80,2 ش. م. -گە دەيىن 8 ءۇش بولمەلى پاتەر؛ - اۋدانى 94,3 تەن 96,7 ش. م.  گە دەيىن 65 پاتەر. باعدارلاما تالاپتارى بويىنشا بۇل باعىتتا كەلەسى ساناتتار بويىنشا استانا قالاسىندا كوممۋنالدىق تۇرعىن ءۇي قورىنان تۇرعىن ۇيگە مۇقتاجدىلار كەزەگىندە تۇرعان (كەزەكتەگىلەر) ازاماتتار عانا ءۇي الۋعا قۇقىلى: - كوپ بالالى وتباسىلار؛ - تولىق ەمەس وتباسىلار؛ - مۇگەدەك بالاسى بار نەمەسە ونى تاربيەلەپ وتىرعان وتباسىلار؛ - جەتىم بالالار، اتا- اناسىنىڭ قامقورلىعىنسىز قالعان بالالار؛ - ورالماندار؛ - مەملەكەتتىك قىزمەتكەرلەر، اسكەري قىزمەتكەرلەر، ارناۋلى مەملەكەتتىك ورگان قىزمەتكەرلەرى، بيۋدجەتتىك ۇيىم قىزمەتكەرلەرى.

بۇل باعىتتاعى قاتىسۋشىلاردى قالىپتاستىرۋ ەكى شاعىن توپ بويىنشا جۇرگىزىلەتىن بولادى: 1 شاعىن توپ -  جوعارىدا كورسەتىلگەن ساناتتار بويىنشا استانا قالاسىنىڭ اكىمدىگىندە كەزەكتە تۇرعاندار، كەمىندە ءۇش جىل نەكەدە تۇرعان، بالالارى بار جانە ەرلى- زايىپتىلاردىڭ ەكەۋى دە 35 جاسقا تولماعان (باعدارلاماعا قاتىسۋعا ءوتىنىش بەرگەن ساتتە)، 35 جاسقا تولماعان، ونىڭ ىشىندە اجىراسقان، جەسىر اتا-انانىڭ بىرەۋى تاربيەلەيتىن تولىق ەمەس وتباسى؛ 2 شاعىن توپ -  جوعارىدا كورسەتىلگەن ساناتتار بويىنشا استانا قالاسىنىڭ اكىمدىگىندە كەزەكتە تۇرعاندار، 1 شاعىن توپقا كىرمەيتىندەر. پاتەرلەر 1 جانە 2 شاعىن توپتار اراسىندا تەڭ مولشەردە ۇلەستىرىلەتىن بولادى. قاتىسۋ ءۇشىن اتالعان ساناتتارعا جاتاتىن ازاماتتارە.astana.kz ۆەب- پورتالى ارقىلى (ءوتىنىش بەرۋشىنىڭ ەلەكتروندىق ساندىق قولتاڭباسىن پايدالانۋمەن) اعىمداعى جىلدىڭ 23 - اقپانىنان باستاپ 1 - ناۋرىزعا (قوسا العاندا) دەيىن تىركەلۋگە قۇقىلى.

www.24.kz