وتكەن اپتادا ازىق- تۇلىك باعاسى ايتارلىقتاي ارزاندادى

 بۇل تۋرالى كومپانيانىڭ باسپا ءسوز قىزمەتىنەن حابارلاندى.

اتالعان مەرزىم ارالىعىندا ازىق- تۇلىك ونىمدەرىنىڭ باعاسى كەلەسىدەي تومەندەدى:

- اقتوبەدە كۇرىش 10 پايىزعا، كەلىسى 212 تەڭگەدەن 190 تەڭگەگە دەيىن ارزاندادى. بۇعان نارىقتىڭ ونىممەن تولىعۋى مەن ساتۋشىلاردىڭ كوتەرمە باعانى 6 پايىزعا 180 تەڭگەدەن 170 تەڭگە دەيىن ازايتۋى سەبەپ بولدى؛

- استانادا تارى جارماسى 13 پايىزعا، 159 تەڭگەدەن 138 تەڭگەگە دەيىن ارزاندادى، وعان ساتىلىمدا ارزانىراق قاپتان ولشەنىپ ساتىلاتىن ءونىمنىڭ كوبەيۋى سەبەپ بولعان؛

- استانادا ۇرمەبۇرشاق 20 پايىزعا، ءبىر كەلىسى 482 تەڭگەدەن 388 تەڭگەگە دەيىن ارزاندادى. بۇل «شاپاعات» جابىق بازارىندا ارزانىراق قاپتان ولشەنىپ ساتىلاتىن باعاسى كەلىسىنە 230 تەڭگە قۇرايتىن ۇرمەبۇرشاقتىڭ ساتىلۋىمەن جانە مۇنىڭ ورتاشا باعاعا اسەر ەتۋىمەن بايلانىستى، ءونىمنىڭ كوتەرمە ساۋدا باعاسى ءبىر كەلىسىنە 280 تەڭگە دەڭگەيىندە قالدى.

كوكشەتاۋدا 1-ساناتتى تاۋىق جۇمىرتقاسى 11 پايىزعا، ون داناسىنا 180 تەڭگەدەن 160 تەڭگەگە دەيىن ارزاندادى.

 قاراستىرىلىپ وتىرعان كەزەڭ ارالىعىندا شىمكەنتتە ۇرمەبۇرشاق 16 پايىزعا، ءبىر كەلىسىنە 284 تەڭگەدەن 330 تەڭگەگە دەيىن قىمباتتادى. ورتاشا باعانىڭ كوتەرىلۋىنە ساتىلىمدا قىمباتىراق وراماداعى ءونىم ۇلەسىنىڭ باسىم بولۋى اسەر ەتكەن، ال كوتەرمە ساۋدا باعاسى كەلىسىنە 310 تەڭگە دەڭگەيىندە قالدى.

كوكونىس- جەمىس ونىمدەرىنىڭ باعاسى مىناداي وزگەرىستەرگە ۇشىرادى:

- قاراعاندىدا ءجۇزىم 36 پايىزعا، كەلىسىنە 515 تەڭگەدەن 701 تەڭگەگە دەيىن قىمباتتادى. قىمباتتاۋعا مونيتورينگ كۇنى كوتەرمە ساۋدا بازارىنا ءونىمنىڭ اكەلىنبەۋى مەن ساتىلىمداعى ءجۇزىم كولەمىنىڭ ازايۋى سەبەپ بولعان؛

- شىمكەنتتە ءسابىز 11 پايىزعا، ياعني ءبىر كەلىسى 90-نان 80 تەڭگەگە دەيىن ارزاندادى. ارزانداۋعا حالىق سۇرانىسىنىڭ ازايۋى مەن بولشەك ساۋداداعى ساتۋشىلاردىڭ ۇستەمە باعانى تومەندەتۋى سەبەپ بولدى، كوتەرمە باعا بولسا، ءسابىزدىڭ ءبىر كەلىسى 70 تەڭگە دەڭگەيىندە ساقتالىپ قالدى؛

 - اقتوبەدە ماندارين 10 پايىزعا، ءبىر كەلىسى 258 تەڭگەدەن 232 تەڭگەگە دەيىن ارزاندادى. باعا تومەندەۋىنە نارىقتىڭ رەسەيدەن اكەلىنگەن ونىممەن تولىعۋىنا جانە كوتەرمە ساۋدا باعاسىنىڭ 10 پايىزعا، كەلىسىنە 210 تەڭگەدەن 190 تەڭگە دەيىن ارزانداۋى سەبەپ بولعان؛

 - استانادا بايالدى (باكلاجان) باعاسى 15 پايىزعا، كەلىسى 570 تەڭگەدەن 658 تەڭگەگە دەيىن قىمباتتادى. بۇعان ساتىلىمداعى ءونىم كولەمىنىڭ ازايۋى مەن كوتەرمە ساۋدا باعاسىنىڭ 33 پايىزعا، كەلىسىنە 450 تەڭگەدەن 600 تەڭگەگە دەيىن ارتۋى سەبەپ بولدى. وزگە ازىق- تۇلىك ونىمدەرىنىڭ باعاسى ايتارلىقتاي (10%- دان جوعارى) وزگەرگەن جوق.

ەسكە سالا كەتەيىك، «قاز اگروماركەتينگ» ا ق اپتا سايىن ءار سەيسەنبى كۇنى ازىق- تۇلىكتىڭ 66 ءتۇرى بويىنشا ەلىمىزدىڭ بارلىق وبلىستارى مەن استانا، الماتى قالالارىندا باعا مونيتورينگىن وتكىزەدى.

اۆتور: قانات مامەتقازى ۇلى