حالال قازاقشا اۋدارىلدى
ول جۇمىس نەگىزىن ونلاين جەلىدە 24 ساعات بويى تۇسىرەدى، دەپ حابارلايدى الماتى ارناسى.
«ءبىز ەرتەڭگى كۇنى قاندايدا ءبىر ادامنان سۇراق كەلسە، مەن اتالعان مەكەمەدەن ەت الامىن. ونى سويعاندا شاريعات تالابى ساقتالدى ما؟، - دەپ سۇراعاندا، ءبىز ونلاين بەينەباقىلاۋعا جازىلعان بەينەنى كورسەتەمىز» دەيدى، ق م د ب- نىڭ حالال ونىمدەرىن ستاندارتتاۋ ءبولىمىنىڭ مەڭگەرۋشىسى بەيبىت مىرزاگەلديەۆ.
قازىر الماتىدا «حالال اسابا»، «حالال مونشا» «حالال قوناق ءۇي» ۇعىمى كوپتەپ كەزدەسەدى. ءتىپتى، كولىك جوندەيتىن ورىنداردىڭ ءوزى حالالعا اينالىپ كەتكەن. وسى رەتتە ءدىني باسقارما «حالال» ونىمدەرىن ستاندارتتايتىن جاڭا جۇيە ەنگىزدى. الداعى ۋاقىتتا ولار ءوزىنىڭ زەرتحاناسىن اشپاق.
ايتا كەتسەك، ەلدەگى ءونىمنىڭ 30 پايىزىن «حالال» تاۋارلار قۇرايتىن كورىنەدى. ال ونى وندىرەتىن 130 كاسىپورىن بار.
«مىسالى، حالال قوناق ءۇي بولمايدى. شاريعاتقا ساي قوناق ءۇي بولۋى مۇمكىن. وسى «حالال» كۋالىگى قانداي زاتقا بەرىلەدى. وسىنىڭ بارلىعى قازىر عۇلامالار كەڭەسىندە تالقىلانىپ ءبىر شەشىمگە كەلدى. تاعى ءبىر جاڭالىق جاڭا كۋالىكتە «حالال» دەگەن ءسوز قولدانىلادى، ءبىراق ءبىز انا تىلىمىزگە اۋداردىق. ءسويتىپ، «ادال» دەگەن ءسوز ەنگىزىلدى» دەدى، الماتى قالاسى ورتالىق مەشىتىنىڭ باس يمامى نۇربەك اۋەزحان ۇلى.
«حالال» ۇعىمى اراب تىلىنەن اۋدارعاندا «رۇقسات ەتىلگەن» دەگەن ماعىنانى بىلدىرەدى. قازىر الەمنىڭ 150 - دەن استام مەملەكەتى حالال يندۋستريا جۇيەسىن قالىپتاستىرىپ ۇلگەرگەن.
