امەريكالىق تەلەارنا وبامانى زورلىقشىمەن شاتاستىردى
جۇما، 13- اقپان كۇنى امەريكالىق تەلەارنانىڭ ەفيرىندەگى كەشكى جاڭالىقتاردا «سان-ديەگو مەملەكەتتىك ۋنيۆەرسيتەتىندە بولعان جىنىستىق زورلاۋعا كۇدىكتى ادامعا ايىپ تاعىلمايتىن بولدى» دەگەن ءماتىن وقىلىپ جاتقان كەزدە وبامانىڭ «ايىپ جوق» دەگەن جازباسى بار سۋرەتى بەس سەكۋندتاي ۋاقىت كورسەتىلدى.
جاڭالىقتار اياقتالعانشا كەشىرىم سۇرالعان جوق. «ولار مۇنداي ۇساق-تۇيەككە بولا ولاي ىستەمەيدى (كەشىرىم سۇرامايدى - اۆتور.). ءيا، ونداي بولدى. ءبىراق ول ادەيى ىستەلگەن جوق»، - دەدى تەلەارنا رەداكتورى مايك ۋيلل. ايتۋىنشا، ستۋدياعا ەشكىم شاعىمدانىپ قوڭىراۋ شالماعان.
ەسكە سالا كەتەيىك، بۇعان ۇقساس وقيعا 2014-جىلى قاراشادا بولعان ەدى. امەريكانىڭ CNN تەلەارناسى تىكەلەي ەفيردە ەل پرەزيدەنتى باراك وبامانى لاڭكەس ۋساما بەن لادەنمەن شاتاستىرىپ الدى. جاڭالىقتارعا «تەڭىز جاياۋ اسكەرى وبامانى ءولتىردى» دەگەن تيتر قولدانىلدى. ۇلكەن ارىپتەرمەن جازىلعان جولاق جاڭالىقتار سيۋجەتى كەزىندە شىعارىلدى. بۇل قاتەنى قاراپايىم كورەرمەندەر، الەۋمەتتىك جەلىنى قولدانۋشىلار مەن جۋرناليستەر بايقادى. «وبامانىڭ ءولىمى» تۋرالى جازبا ەكراندا ءبىر مينۋت شاماسىندا تۇردى، سودان كەيىن CNN قىزمەتكەرلەرى «وبامانى» «بەن لادەنگە» اۋىستىردى. بۇعان دەيىن ۇقساس وقيعا 2008-جىلى Detroit News باسىلىمىندا بولعان ەدى، ول كەزدە وباما لاڭكەسپەن شاتاستىرىلدى. باسىلىمنىڭ باس رەداكتورى ول كەزدەگى دەموكراتيالىق پارتيا اتىنان قاتىسقان پرەزيدەنتتىككە ۇمىتكەر وبامادان كەشىرىم سۇرادى.
tengrinews.kz
