ءماتىبۇلاق پوليگونىندا تانك بياتلونى بويىنشا جارىسقا دايىندىق باستالدى - فوتو

دەپ حابارلايدى ق ر قورعانىس مينيسترلىگىنىڭ باسپا ءسوز قىزمەتى.

وندا ت-72 تانكىسىمەن وق اتۋ جانە اسكەري تەحنيكانى جۇرگىزۋ شارالارى ۇيىمداستىرىلادى. تانك بياتلونىنا دايارلىق شەڭبەرىندە تانك بولىمشەلەرى دالالىق شىعۋ جاعدايلارىندا اتۋ دايارلىعى مەن جاۋىنگەرلىك ماشينالاردى جۇرگىزۋ بويىنشا ساباقتارىن وتكىزەدى.

 ەستەرىڭىزگە سالا كەتسەك، 2013 - جىلى ماسكەۋ تۇبىندەگى الابينو پوليگونىندا وتكەن تۇڭعىش تانك بياتلونى بويىنشا حالىقارالىق جارىسىندا قازاقستاندىق اسكەري قىزمەتشىلەر كومانداسى بەلارۋس جانە ارمەنيا تانك ەكيپاجدارىن سوڭدارىنا قالدىرىپ، ەكىنشى ورىندى يەلەنگەن بولاتىن. اعىمداعى جىلى بياتلون بويىنشا كورسەتكىشتەردى جاقسارتۋ ماقساتىندا جانە جەڭىمپازدار قاتارىنا ەنۋ ءۇشىن، ەكيپاجدىڭ ءاربىر مۇشەسى ءوزىنىڭ پراكتيكالىق بىلىكتىلىكتەرىن، اتاپ ايتقاندا جۇرگىزۋشى- مەحانيكتەر - تانكىمەن ءتۇرلى كەدەرگىلەرى بار جولداردان ءوتۋ، نىساناشى - كورىنگەن جانە قوزعالمالى نىساناعا ءبىرىنشى بولىپ بارىنشا دالدىكپەن اتۋ، تانك كومانديرلەرى - НСВТ  زەڭبىرەگىنەن جوعارى دالدىكپەن وق اتۋ بىلىكتىلىكتەرىن جاتتىقتىرۋدا. تانك قارۋ- جاراعىنان اتۋ مەن جاۋىنگەرلىك تەحنيكالاردى جۇرگىزۋدەن باسقا، ەكيپاج قۇرامى دەنە دايارلىعىمەن دە اينالىسادى.

 تانك بياتلونىنا دايارلىق بارىسىندا 21450 اسكەري ءبولىمىنىڭ 3- تانك باتالونىندا 2- ۆزۆودتىڭ 9- تانك روتاسى ۆزۆود كومانديرى لەيتەنانت ت. دوشانوۆتىڭ جەتەكشىلىگىمەن 9 تانك ۆزۆودىنىڭ ىشىندە ەڭ جوعارى كورسەتكىشتەردى كورسەتتى.