ەلباسى ءجونسىز توي تويلاۋدى قىسقارتۋدى تاپسىردى
ق ر ۇكىمەتىنىڭ كەڭەيتىلگەن وتىرىسىندا مەملەكەت باسشىسى نۇرسۇلتان نازاربايەۆ وسىلاي دەدى، دەپ حابارلايدى BNews.kz ءتىلشىسى.
«مەرەيتويلار وتكىزۋدى كوپشىلىك جاقسى كورەدى. مەرەيتويلاردى وتكىزىپ، جينالىستارعا قاتىسىپ، بانكەتتەردە وتىرعاندى جانە تاعى باسقانى ۇناتادى. الەمدە ءبىز سياقتى بىردە-ءبىر ەل توي تويلاپ جاتىر ما؟ دۇنيەجۇزىلىك توي جاساپ، جايلاۋدا مىڭداعان كيىز ءۇي قۇرۋ مەرەيتوي يەسىنە نە بەرەدى؟ مەگا جوبالار، ءتۇرلى وتكىزىلىپ جاتقان مەرەيتويلاردى قىسقارتىپ، بالالاردى دۇرىستاپ وقىتىپ، ەمدەۋ قاجەت»، - دەگەن ەلباسى وسى ماسەلەنى قاداعالاۋدى ق ر ۆيسە- پرەمەرى بەردىبەك ساپاربايەۆقا تاپسىردى.
«ۇلى داتالاردى مەرەكەلەۋ كەرەك. مەن ولاردى وتكىزۋدى قولدايمىن. ەندى اتا-باباسىنىڭ مەرەيتويىن وتكىزەتىن بولسا، وتكىزسىن اعايىندار جينالىپ... دەمەۋشىلەر وتكىزسىن... ەشكىم قارسى ەمەس. تەك نەگە مەملەكەت قارجىسىنان، جۇرتتىڭ سالىعىنان جاساۋ كەرەك ونى؟»، - دەپ تولىقتىردى ءوز ويىن مەملەكەت باسشىسى.
