جازۋشى گەرولد بەلگەر كوز جۇمدى

بەلگەر گەرولد رەسەيدىڭ ساراتوۆ وبلىسىندا 1934 - جىلى 28 - قازاندا دۇنيەگە كەلگەن.

اباي اتىنداعى قازاق پەداگوگيكا ينستيتۋتىن جانە اسپيرانتۋراسىن بىتىرگەن. شىعارمالارىن نەمىس، ورىس، قازاق تىلدەرىندە جازادى.

1958-1960 - جىلدارى - جامبىل وبلىسى بايقادام كەڭشارىنىڭ ورتا مەكتەپ مۇعالىمى. 1963-1964 - جىلدارى - «جۇلدىز» جۋرنالىنىڭ ادەبي قىزمەتكەرى. 1964 - جىلدان - شىعارماشىلىق جۇمىستا. 1992 - جىلدان - نەمىس تىلىندە شىعاتىن «فەنيكس» الماناحى باس رەداكتورىنىڭ ورىنباسارى.

«اۋىل شەتىندەگى ءۇي»، «دالاداعى شاعالالار»، «التى اسۋ»، «تاس وتكەل»، «باۋىرلاستىقتىڭ جاندى بەينەسى»، «سوزۆۋچيە»، «ۋاقىتپەن بەتپە-بەت»، «موتيۆى ترەح سترۋن»، «گەتە ي اباي»، «رودستۆو»، «زەمنىە يزبراننيكي» زەرتتەۋ ەڭبەكتەرىنىڭ، جەكەلەگەن اڭگىمە، ماقالالارى ەنگەن 25 كە جۋىق جيناقتاردىڭ اۆتورى. ب. مايلين، ح. ەسەنجانوۆ، ءا. نۇرپەيىسوۆ، ءا. كەكىلبايەۆ، د. دوسجانوۆ، تاعى باسقا قازاق جازۋشىلارىنىڭ ءبىرقاتار شىعارمالارىن قازاقشادان ورىس تىلىنە، ا. رايمگەن، ە. كونچاك، ن. ۆاككەر، تاعى باسقا نەمىس اقىن، جازۋشىلارىنىڭ جەكەلەگەن تۋىندىلارىن نەمىس تىلىنەن ورىسشاعا اۋداردى.

 «پاراسات» وردەنىمەن ماراپاتتالعان.