تايبەي قالاسىنىڭ مەرى وزەنگە قۇلاعان ۇشاق ۇشقىشىن باتىر دەپ اتادى

استانا. قازاقپارات - تايبەي قالاسىنىڭ مەرى «تاياۋدا اپاتقا ۇشىراعان ۇشاق پيلوتىنىڭ ارەكەتىن زور ەرلىكپەن تەڭ»، - دەپ مالىمدەدى.

«ۇشقىش اپات كەزىندە اۋە كولىگىنىڭ تۇرعىن ۇيلەر مەن كەڭسە عيماراتتارىنىڭ ۇستىنە قۇلاۋىن بولدىرماي، ۇشاقتى وزەنگە قاراي بۇرىپ اكەتتى. ولاي بولماعاندا، بۇدان دا زور ادام شىعىنىنا ۇشىراۋىمىز مۇمكىن ەدى»، - دەپ اتاپ ايتتى شاھار باسشىسى.

 قازىر ماماندار TransAsia ۇشاعىنىڭ قارا جاشىكتەرىن مۇقيات زەرتتەپ، اپات سەبەبىن انىقتاپ جاتىر. ال ATR 72-600 ۇشاعىنىڭ كومانديرى جانە پيلوتى 42 جاستاعى لياۋ جيان- جۋن ءوز قىزمەتى بارىسىندا اۋەدە بارلىعى 4914 ساعات ۇشقان ەكەن.

www.24.kz