ريم پاپاسى بالالاردى قۇيرىعىنان شاپالاقتاۋعا رۇقسات بەردى
دەگەنمەن ول مۇنداي جازالاۋ تەك قانا تاربيە ماقساتى ءۇشىن عانا قولدانىلۋى كەرەكتىگىن، بالالاردىڭ ار-ۇياتىن تاپتاۋعا جول بەرىلمەۋىن ەسكەرتتى.
پونتيفيك ءبىر ەر ادامنىڭ ايتقان اڭگىمەسىن مىسالعا كەلتىردى. ول ادام بالالاردى قۇيرىعىنان شاپالاقتايتىنىن، ءبىراق ەشقاشان بەتىنەن ۇرمايتىنىن ايتقان. «ونىڭ ءوز بالاسىنىڭ ابىرويىن ويلايتىنى قۋانتادى. ول بالاسىن ادىلەتتى تۇردە جازالاۋدى ويلاپ تۇر»، - دەدى فرانتسيسك I وتباسىنداعى اكەنىڭ رولىنە ارنالعان اپتا سايىنعى رەسمي قابىلداۋى بارىسىندا.
ايتا كەتەيىك، ريم پاپاسى بالالار قۇقىعىن قورعاۋشى رەتىندە تانىمال. 2013 - جىلدىڭ ناۋرىزىندا ءوز قىزمەتىنە تاعايىندالعاننان كەيىن ول پەدوفيليامەن تاباندى كۇرەس جۇرگىزەتىنىن مالىمدەدى. 2014 - جىلدىڭ ءساۋىر ايىندا ول بالالارعا زورلىق كورسەتكەن ءبىر ءدىني قىزمەتكەردىڭ ارەكەتى ءۇشىن كەشىرىم سۇرادى، كەيىن ونىڭ ءىسىن «شايتاننىڭ ارەكەتى» دەپ باعالادى.
2015 - جىلدىڭ 5 - اقپانى كۇنى ريم پاپاسى بۇكىل الەمنىڭ ەپيسكوپتارىن بالالاردى ءدىن قىزمەتكەرلەرىنىڭ جىنىستىق قاتىناسقا يتەرمەلەۋىنەن قورعاۋ جونىندەگى كوميسسيامەن جۇمىس ىستەۋگە شاقىردى. ۆاتيكاننىڭ ەسەبىنشە، سوڭعى 10 جىل ىشىندە شىركەۋ قىزمەتكەرلەرى تاراپىنان بولعان 3400 دەن استام زاڭسىزدىق تىركەلگەن.
Tengrinews.kz
