جىگىتتەرگە ءجونسىز جابىسقانى ءۇشىن جەتپىس قىز اكىمشىلىك جاۋاپكەرشىلىككە تارتىلدى - فوتو
بۇل تۋرالى قالالىق ءى ءى د باسپا ءسوز قىزمەتى حابارلادى.
اۋداندىق ءى ءى ب حابارلاۋىنشا، اكىمشىلىك كودەكستىڭ جاڭا نورمالارى تەك قانا جەڭىل ءجۇرىستى قىزدارعا عانا ەمەس، ادامدارعا تاۋارىن تىقپالاعان 5 ادامعا، 5 قايىرشىعا، ءۇيىن جالعا بەرەتىن 10 ادامعا قاتىستى قولدانىلدى.
ءتارتىپ ساقشىلارىنىڭ نەگىزگى كۇشى سەيفۋللين كوشەسىن تازالاۋعا كەتكەن سياقتى.
«سونىڭ ىشىندە سەيفۋللين كوشەسىندەگى №82-ءۇيدىڭ تۇسىندا تۇراتىن 32 جاسار قىرعىز ازاماتشاسى اكىمشىلىك جاۋاپكەرشىلىككە تارتىلىپ، قازاقستاننان شىعارىلدى.
2014 - جىلدىڭ قورىتىندىسى بويىنشا، سەيفۋللين كوشەسىنىڭ بويىندا 1537 ادام جاۋاپكەرشىلىككە تارتىلدى. 576 ادامعا ەسكەرتۋ جاسالسا، 32 ادام اكىمشىلىك جازاعا تارتىلدى. مىڭنان اسا ادامعا ايىپپۇل سالىندى. وسى ارالىقتا جەڭگەتايلىق ارەكەتتىڭ 124 دەرەگى اشكەرەلەندى. ولاردىڭ 36 سى جولدا ورنالاسقان قوناق ۇيلەردە ورىن العان. ادامدارعا جىنىستىق قىزمەت ۇسىنعان 70 قىز جاۋاپكەرشىلىككە تارتىلدى»، - دەدى تۇركسىب اۋداندىق ءى ءى ب باسشىسىنىڭ ورىنباسارى جاسۇلان بايكەنوۆ.
جاقىندا پوليتسيا قىزمەتكەرلەرى سەيفۋللين كوشەسىن تاعى دا ءسۇزىپ شىقتى. جەڭىل ءجۇرىستى قىزدار تار كوشەلەرگە جاسىرىنىپ، زاڭعا باعىنۋعا قۇلقى جوقتىعىن كورسەتتى.
«جاڭا اكىمشىلىك كودەكستەگى قاتاڭ نورمالاردىڭ بارىن بىلە تۇرا جەڭىل ءجۇرىستى قىزدار زاڭعا باعىنۋعا قۇلىق تانىتار ەمەس. ارالارىندا بىرنەشە رەت پوليتسيا بولىمىنە كەلگەن ادامدار بار. بۇرىن ولاردى ۋچاستوككە اكەلىپ، ەكى- ءۇش ساعات اڭگىمە جۇرگىزۋمەن عانا شەكتەلەتىنبىز. قازىر ءتۇرلى اكىمشىلىك جازا قولدانىلا باستادى. اتالعان ۋچاسكەدە پوليتسيا قىزمەتكەرلەرى مەن ۋچاسكەلىك ينسپەكتورلار قوعامدىق ءتارتىپ ورناتۋدا. ءتىپتى ۇلتتىق گۆارديا ۇلاندارى دا كومەككە شاقىرىلۋدا»، - دەدى تۇركسىب اۋداندىق ءى ءى ب اكىمشىلىك پوليتسياسى ءبولىمىنىڭ باسشىسى فارحات سىبانبايەۆ.
اۆتور: گۇلميرا عوسمانالي
