قازاقستاندا «تاقيالى پەرىشتە» فيلمىنىڭ جالعاسى تۇسىرىلەدى
كارتينانىڭ ەكىنشى ءبولىمىن كينەماتوگرافيست مارات سارسەنبايەۆ تۇسىرەدى. ال ەكىنشى رەجيسسەر - گۇلبارشىن ابۋيەۆا. يدەياسىن ايتىپ، سسەناريىن جازعان - قۇسمان شالابايەۆ.
جوبا جەكە ادامداردىڭ قارجىسىنا تۇسىرىلمەكشى. ءتۇسىرىلىم توبى دايىندىق پروتسەسىنە كىرىسىپ كەتتى، ءتۇسىرىلىم جۇمىستارى ءساۋىر ايىندا باستالماق. سيۋجەتىنە كەلسەك، كوپ جىل وتكەننەن كەيىن وقيعا قايتالانادى، ءبىراق قالىڭدىقتى گەوگرافيا ءپانىنىڭ مۇعالىمى تايلاقتىڭ نەمەرەسى ىزدەيدى.
«تاقيالى پەرىشتە» فيلمىنىڭ تۇسىرىلىمىنە ءبىرىنشى بولىمىندە ويناعان اكتەرلەر ءالىمعازى راينابەكوۆ (تايلاقتىڭ رولىندە ويناعان)، بيبىگۇل تولەگەنوۆا جانە شولپان التايبايەۆا قاتىسادى. ولارعا داۋلەت ءابدىعاپاروۆ پەن ديماش احيموۆ قوسىلادى. سونىمەن قاتار، قازىرگى ۋاقىتتا باس كەيىپكەرلەردىڭ رولىنە جاس اكتەرلەرگە كاستينگ جاريالانعان.
ايتا كەتەيىك، «تاقيالى پەرىشتە» فيلمى اناسىنىڭ بالاسىنىڭ بويداق ومىرىنە كوڭىلى تولماي، وعان قالىڭدىق ىزدەۋىمەن عانا ەمەس، اكتەرلەردىڭ تاماشا ويىنىمەن جانە الەكساندر زاتسەپيننىڭ «تى كۋدا، وديسسەي» ءانىنىڭ ورىندالۋىمەن دە ەستە قالدى. سودان بەرى كارتينا ۇلكەندەردىڭ عانا ەمەس، جاستاردىڭ اراسىندا دا قىزىعىپ كورەتىن كينو كومەدياعا اينالدى.
