يران وزدەرى جاساعان ءتورتىنشى سپۋتنيگىن ءساتتى ۇشىردى

استانا. قازاقپارات - يران ماماندارى دۇيسەنبى كۇنى وزدەرى دايىنداعان ءتورتىنشى سپۋتنيگىن ءساتتى ۇشىردى.

 بۇل تۋرالى ر ي ا «نوۆوستي» حابارلادى.

 GPS ناۆيگاتسيالىق جۇيەسىمەن جاراقتاندىرىلعان «فادجر» سپۋتنيگى «سافير» زىمىران- تاسىعىشتىڭ كومەگىمەن GMT ۋاقىتىمەن ساعات 9.30 (12.30 مسك) وربيتاعا شىعارىلدى، دەپ حابارلادى Press TV ارناسى.

 يراننىڭ عىلىم جانە تەحنولوگيا بويىنشا ۆيسە- پرەزيدەنتى سورەنا ساتتاري وسىعان دەيىن جاڭا سپۋتنيك جاقىندا ۇشىرىلاتىنىن ايتقان.