جىلدىڭ ۇزدىك مۋلتفيلمى

استانا. قازاقپارات - DreamWorks Animation ستۋدياسىنىڭ «ايداھار-2 قالاي قولعا ۇيرەتۋگە بولادى» لەنتاسى امەريكالىق انيماتسيالىق كينو سالاسىنداعى باستى ماراپات - «ەننيدىڭ» التى سىيلىعىنا يە بولدى.

«ايداھار-2 قالاي قولعا ۇيرەتۋگە بولادى» مۋلتفيلمى جىلدىڭ ۇزدىك تولىق مەتراجدى مۋلتفيلمى بولىپ تانىلدى. بۇدان باسقا، لەنتا اتاپ ايتقاندا، رەجيسسۋراسى (قويىلىمىمەن دين دە بلۋا اينالىسقان) مەن مۋزىكاسى ءۇشىن دە ماراپاتتالدى.

2015-جىلعى قاڭتاردىڭ باسىندا مۋلتفيلم «ۇزدىك انيماتسيالىق فيلم» نوميناتسياسىندا «التىن گلوبۋستى» يەلەنگەن. كارتينا وسى ساناتتا «وسكارعا» ۇسىنىلدى.

«ەننيدىڭ» 44- سىيلىقتى تابىستاۋ ءراسىمى لوس-اندجەلەستە 2015-جىلعى 31- قاڭتاردا ءوتتى.

2014-جىلى «ەننيدى» ۇزدىك مۋلتفيلم رەتىندە «سۋىق جۇرەك» كارتيناسى يەلەنگەن بولاتىن.