كولىك كەپتەلىسى ماسەلەسىن قالاي شەشۋگە بولادى؟
ەرەكشەلىگى - «نۇرلى جول» باعدارلاماسىنداعى كەيبىر ماقساتتارعا قول جەتكىزۋگە مۇمكىندىك بەرۋى. يزرايل ماماندارى استانا مەن الماتى قالالارىنا وسىنداي اۆتوتۇراقتار سالۋدى ۇسىنىپ وتىر. ەڭ قىزىعى، جۇرگىزۋشىلەر كولىكتەرىن وسىندا قالدىرىپ، ءارى قاراي اۆتوبۋسپەن كەتەدى ەكەن. بۇدان بولەك بيىل يزرايلدە كولىكتىڭ لاستاۋشى مولشەرىن اۆتوماتتى تۇردە انىقتايتىن جۇيە ىسكە قوسىلعان بولاتىن. بۇل ءادىس مەملەكەتتىك ماڭىزى بار جولدارداعى كولىك اعىنىن رەتتەۋگە مۇمكىندىك بەرەدى.
ميحايل كاپىلوۆسكي، يزرايل ۇلتتىق جول كومپانياسى ديرەكتورىنىڭ مىندەتىن اتقارۋشى: - جەرگىلىكتى جاعدايلاردى، گەوگرافيالىق جاعدايلاردى جانە كەز كەلگەن ەلدە قولدانىلاتىن ءپرينتسيپتى اكتىلەردى نەگىزگە الا وتىرىپ، وسىنداي جۇيە جاسادىق. ءبىز قازاقستاندىق ارىپتەستەرىمىزبەن تىعىز قارىم-قاتىناستامىز. تابىسقا جەتۋدىڭ باستى شارتى دەپ ۇزاق مەرزىمدى جوسپارلاۋدى ايتار ەدىم. ءبىزدىڭ ەل دە وسىنداي ۇزاق مەرزىمدى جوسپارلاۋعا سۇيەنەتىنى بەلگىلى. وعان «نۇرلى جول» جاڭا ەكونوميكالىق ساياساتىنداعى «الداعى جىلدارى 7500 شاقىرىمدىق اۆتوموبيل جولدارىن سالۋ» تۋرالى ماقسات دالەل.
ەدۋارد يوسيليەۆسكي، يزرايل ۇلتتىق جول كومپانياسى ديرەكتورىنىڭ ورىنباسارى: - مەنىڭ ويىمشا، بۇل باعدارلامانىڭ كەرەمەت بولاشاعى بار. ويتكەنى وندا ەكونوميكالىق تۇراقتىلىقتى ساقتاپ، الەۋمەتتىك ءال-اۋقاتتى ارتتىرۋعا قاتىستى بارلىق ماسەلەلەر ەگجەي-تەگجەيلى قارالىپ وتىر. اسىرەسە اۆتوجولدارعا قاتىستى تەتىكتەر جاقسى ايتىلعان. جوسپار بويىنشا، ەلىمىزدەگى اۆتوجولدار جاساۋ جانە جوندەۋ جۇمىستارىنا الداعى 3 جىلدا 25 ميلليارد دوللار جۇمسالادى. بۇل باستامالار بولاشاقتا ەلدەگى كولىك قاتىناسىن جاقسارتۋعا جانە تاۋار اينالىمىن ارتتىرۋعا مۇمكىندىك بەرەدى.
اۆتورلارى: اسلان قاجەنوۆ، دينارا بەكتۇروۆا
www.24.kz
