ق ر مادەنيەت جانە سپورت ءمينيسترى لاتىن الىپبيىنە كوشۋگە اسىقپاۋ قاجەتتىگىن ايتتى
لاتىن قارپىنە كوشۋ - بۇل ۇزاق مەرزىمدى باعدارلاما ەكەنىنە توقتالعان مينيستر، وسى باعىتتا نەگىزگى قادامدار 2025 - جىلدارى ىسكە اسىرىلاتىندىعىن جەتكىزدى.
ۆەدومستۆو باسشىسىنىڭ ايتۋىنشا، بۇگىندە عالىمدار وسى ماسەلەنى تىڭعىلىقتى زەرتتەپ جاتىر. بۇل تۇرعىدا كومپيۋتەر كلاۆياتۋراسىنا ينتەگراتسيالاۋدا پروبلەما بار كورىنەدى.
سونىمەن بىرگە ا. مۇحامەدي ۇلى لاتىن الىپبيىنە كوشۋ الدىندا وقۋ باعدارلامالارىن ساۋاتتى تۇردە دايارلاپ الۋ كەرەكتىگىن اتاپ ءوتتى. ونىڭ پايىمىنشا، اسىعىستىق سالدارىنان وقۋلىقتار مەن ءبىلىم بەرۋ باعدارلامالارىندا كەمشىلىكتەر كوپ بولۋى مۇمكىن.
«سوندىقتان دا وسى باعىتتاعى ۇدەرىس قاتتى جىلدامداتىلعان تۇردە ءجۇرىپ جاتقان جوق. مەنىڭ ويىمشا، بۇل ۇدەرىستى جىلدامداتۋدىڭ قاجەتتىلگى جوق. سەبەبى، ول ەڭ الدىمەن ءبىلىم بەرۋ ماسەلەسىنە كەلىپ تىرەلەدى. سونداي-اق وسى ۇدەرىس ءبىزدىڭ قىزمەتىمىزگە كەرى اسەرىن تيگىزبەۋى ءتيىس»، - دەدى ول.
ءسوز سوڭىندا مينيستر لاتىنعا كوشۋ بويىنشا باعدارلاما قابىلدانعانىن جانە ونى جۇزەگە اسىرۋ ءتيىستى كەستە بويىنشا جۇرەتىندىگىن ايتتى.
اۆتور: رۋسلان عابباسوۆ
