ق ر ق م: جاۋىنگەرلىك پاراد -اسكەري تەحنيكانىڭ ءىس جۇزىندەگى قيمىلىن كورسەتۋ - فوتو

جاۋىنگەرلىك پاراد - كەز كەلگەن ارميانىڭ قاجەتتى قۇرامداس بولىگى بولىپ تابىلادى. مۇندا اسكەرلەر پارادىنان ايىرماشىلىعى اسكەري تەحنيكانىڭ بار كۇش-قۋاتىن كورۋگە بولادى. جاساندى نىساناعا زىمىراننان اتۋ، بومبا لاقتىرۋ، قارۋ-جاراقتىڭ بارلىق تۇرىنەن اتۋ، جوعارى پيلوتاجدىڭ ءتۇرلى فيگۋرالارىن ورىنداۋ، اۋە سوعىسىن جۇرگىزۋ، دەسانتشىلار توبىن اۋەدەن جەرگە ءتۇسىرۋ جانە ت. ب.

قازاقستان قارۋلى كۇشتەرىنىڭ تۇڭعىش جاۋىنگەرلىك پارادىندا 400 دەن استام اسكەري تەحنيكا («توچكا-ۋ» تاكتيكالىق زىمىران كەشەندەرى، «شتۋرم-س» تانكىگە قارسى زىمىران كەشەنى، ب ت ر-82 ا برونەترانسپورتەرلەرى)، 80 نەن استام ۇشاق پەن تىكۇشاق تۇرلەرى حالىقتىڭ نازارىنا ۇسىنىلدى. سونىمەن قاتار، وتاندىق كاسىپورىنداردا شىعارىلعان جانە جاڭارتىلعان قارۋ-جاراق تۇرلەرى، اتاپ ايتقاندا «تۇلپار» قار جانە ساز بالشىقتا جۇرەتىن ماشيناسى، ە س-145 قازاقستاندا قۇراستىرىلعان تىكۇشاعى، پيلوتسىز ۇشۋ اپپاراتتارىنىڭ ۇلگىلەرى.

قازاقستاندىق ارميا جىلدان جىلعا قارقىندى دامىپ، تەحنيكا مەن قارۋ-جاراقتىڭ جاڭا تۇرلەرىن يگەرىپ، اسكەري قىزمەتشىلەردىڭ جاۋىنگەرلىك دايارلىقتارىن تۇراقتى جاتتىقتىرۋ ۇستىندە.