پەتروپاۆل تۇرعىنى ۇستىنە بايقاۋسىزدا جانارماي توككەننەن كەيىن ورتەنىپ كەتتى

وقيعا ەر ادامنىڭ ءۇيىنىڭ اۋلاسىندا بولدى، ول ءوزىنىڭ اۆتوموبيلىنە جانارماي قۇيعىسى كەلگەن. قۇتقارۋشىلاردىڭ مالىمەتىنشە، ەر ادام سىرتقى كيىمىن شەشىپ جاتقان كەزدە وت شىققان.

«ول جانارمايدىڭ بۋى كيىمدەگى ستاتيكالىق ەلەكتر ۇشقىنىنان وت شىعىپ، تەرميكالىق كۇيىك الدى. ەر ادام قالالىق اۋرۋحاناعا اۋىر جاعدايدا ءتۇستى»، - دەپ حابارلادى س ق و ت ج د باسپا ءسوز قىزمەتىنىڭ وكىلدەرى.

ەسكە سالا كەتەيىك، 2014 - جىلى جەلتوقسان ايىندا ەر ادام الماتىداعى «تيگروحاۋد» ساۋدا ۇيىندە ءوزىن-ءوزى ورتەمەك بولدى. ول ساۋدا ءۇيىنىڭ سوڭعى قاباتىندا ورنالاسقان ءبىر كەڭسەسىنە كىرىپ، قامالىپ الادى. بۇدان كەيىن ول ءوزىنىڭ ۇستىنە، اينالاسىنا جانارماي شاشقان. بۇل ىسكە نە ءۇشىن بارعانىن ەر ادام ايتۋدان باس تارتتى.

ال ونىڭ الدىندا قاراعاندىدا 55 جاستاعى ەر ادامنىڭ ءوزىن-ءوزى ورتەگەنى حابارلاندى. وقيعا 2013 - جىلدىڭ شىلدە ايىندا تاڭعى ۋاقىتتا بولدى. كۋاگەرلەردىڭ ايتۋىنشا، سۋيسيد جاساۋىنىڭ الدىندا ەر ادام ءوز ۇستىنە جانارماي شاشىپ، ونى ىشكەن. الدىن الا مالىمەتكە سايكەس، ەر ادام ونىڭ ۇستىنەن ءوزى جۇمىس ىستەگەن ج ش س اۋماعىنان گاز باللوندارىن ۇرلاعانى بويىنشا دەرەكپەن قىلمىستىق ءىس قوزعالعاندىقتان بۇل ىسكە بارعان.