حاكەرلەر مالايزيا اۋە كومپانياسىنىڭ سايتىن بۇزدى

استانا. قازاقپارات - وتكەن جىلى ەكى ۇشاعى اۋە اپاتىنا ۇشىراعان Malaysia Airlines اۆياكومپانياسىنىڭ سايتىن حاكەرلەر بۇزدى.

شابۋىل جاساعانى ءۇشىن جاۋاپكەرشىلىكتى بۇدان بۇرىن Xbox Live پەن Sony Playstation Network ونلاين-سەرۆيستەرىنە شابۋىلداعان Lizard Squad توبى موينىنا الدى.

مالايزياداعى اۆياكومپانيا سايتىنىڭ باستى پاراعىنا «404 قاتەلىگى - ۇشاق تابىلمادى» دەگەن جازبامەن قالپاقشا مەن فراك كيگەن كەسىرتكە بەينەلەنگەن. تومەندە « Lizard Squad بۇزعان - كيبەرحاليفاتتىڭ رەسمي حابارلاماسى» دەپ جازىلعان. بۇل نەنى مەڭزەيتىنىن حاكەرلەر تۇسىندىرمەگەن.

ەستەرىڭىزگە سالا كەتەيىك، 2014 - جىلى ناۋرىزدا بورتىندا 239 جولاۋشى بولعان Malaysia Airlines كومپانياسىنىڭ «بوينگ-777» لاينەرى ءۇندىستان مۇحيتىنىڭ ۇستىنەن ۇشىپ بارا جاتقان ساتىندە جوعالىپ كەتكەن، سونداي-اق وسى جىلى شىلدەدە ەكىنشى ۇشاق ۋكراينا شىعىسىنداعى قاقتىعىس ايماعىندا قۇلاپ، 298 ادام كوز جۇمعان ەدى.