كرەديت پەن كۇيەۋ

- اللو، سالاماتسىز با! بۇل پالەنشيەۆ اسقات پا؟

- ءيا، - دەدى.

- ءسىزدى بانكتەن مازالاپ تۇرعان پالەنشيەۆ تۇگەنشە عوي.

- ا ا ا! جوعا، مەن اسقات ەمەسپىن. ول بىرەر ايعا، ءبىر الىس جاققا ساپارلاپ كەتىپ ەدى. ءتىپتى جىلعا جۋىق بولماۋى دا مۇمكىن. مەن اعاسىمىن، - دەپ قويادى. اسقاتتىڭ داۋسىن تانىپ تۇرمىن. ول ءبىراق ءوز داۋسىن مىڭ قۇبىلتا الاتىن كۇيەۋىمدى تانىمادى.

- وندا اسقاتتىڭ نومەرىن بەرىڭىز.

- ونىڭ سوتكاسى جوق قازىر.

- ءبىراز ۋاقىت كەلمەيدى دەيمىسىز؟

- ءيا.

- وندا مەن سوتقا وتكىزەمىن ءىستى.

- توقتاڭىز!

- نە بولدى؟

- كۇتە تۇرىڭىزشى

- كۇتە المايمىن. شۇعىل بۇل ءىستى ءبىتىرۋىم قاجەت.

- توقتاڭىز دەيمىن. اسقات قازىر كەلىپ قالادى كۇتە تۇرساڭىز.

- ءسىز جاڭا كەلمەيدى دەپ ەدىڭىز عوي!

- جوق، كەلىپ قالادى دەيمىن.

- «جاقىن جەردە ءجۇر» دەپ قوياسىز، جاڭا عانا ساپارلاپ كەتتى دەپ ەدىڭىز.

- جوعا، تەز-اق كەلىپ قالادى قازىر. تولەيدى عوي، كىشكەنە كۇتە تۇرىڭىز، مىنە كىرىپ كەلە جاتىر ءوزى دە! سوتى نەسى، سوتسىز اق شەشۋگە بولادى عوي.

داۋسىندا ءدىرىل بار.

كۇيەۋىم وسى تۇستا جارىلدى بىلەم، تۇتقانى جارىپ جىبەرە جازداپ قارقىلداي كۇلدى.

- ءاي، مەن عوي نۋكا! تانىمادىڭ با؟ ءسال ءۇنسىز قالعان بەيباق، قورىققانىن باسا المادى ما، الدە ۇيالعانى، ايتەۋىر، تۇتقانى ءوشىرىپ تاستادى. سول نومەر كەيىن قايتىپ قوسىلمادى. ۇنەمى ءوشىرۋلى تۇردى.

بىردە تۇنگى ساعات 12 شاماسىندا مەنىڭ تەلەفونىم بەزەكتەدى.

كۇيەۋىم ۇيالىمدى الىپ:

- اللو، - دەپ ەدى

- قۇرالاي بار ما؟ دەيدى بەيتانىس ەركەك.

- بار. سۇراپ تۇرعان كىم ەكەن؟، - دەدى كۇيەۋىم

- جۇمىسىم بار قۇرالايدا. شاقىرشى تەز، - دەيدى بەيمەزگىل قوڭىراۋ شالۋشى. ايەلىنە تىم اسىعىس جۇمىسپەن حابارلاسقان كىسىنىڭ كىم ەكەنىن بىلگىسى كەلىپ كۇيەۋىم:

- كىمسىڭ؟، - دەدى قايتالاپ

- نەڭ بار! ارمانمىن ال! شاقىرشى ەندى، - دەيدى

- اسىعىسسىڭ با نە؟، - دەيدى بىزدىكى.

- ءيا، تىم اسىعىسپىن! جۇمىسىم بار دەپ تۇرمىن عوي!، - دەيدى ار جاقتاعى داۋىس.

- سەن مەنىڭ ايەلىمە ءتۇن جارىمدا قوڭىراۋ شالىپ تۇرعانىڭدى بىلەسىڭ بە وسى؟ ءسويتىپ الىپ تەز شاقىر دەيتىن كىمسىڭ ءوزى ا؟!- دەدى كۇيەۋىم اپتىعىپ

- ە، شاقىر دەدىم عوي ە!، - دەگەن كەزدە بۇل اتىپ تۇردى

- ە سەن كىمسىڭ؟، - دەپ، ماعان شاتىناي قاراپ، ترۋبكاداعىنى بوقتاي بەرگەندە ار جاقتاعى داۋىس:

- ا ا ا ا، قانداي ەكەن ا، جۇرەكتى ۇشىرعان؟! مەن عوي اسحات، - دەپ جاتتى.

ءبىر وتىرىپ، ءبىر تۇرعان كۇيەۋىم ساسقانىنان كۇلە سالدى دا:

- مەن سەنى باعانا تانىپ قويعام! ءجاي مەن دە ويناپ تۇرمىن عوي... قايتەر ەكەن دەسەم، - دەپ قويادى بىلدىرگىسى كەلمەي. سوڭىنان ترۋبكانى ماعان بەردى دە شىلىمىن الىپ، شىعىپ كەتتى.

مەن اسقاتقا راحمەتىمدى جاۋدىردىم، ول اسقات ەكەنىن ايتپاعاندا كۇنىم قاراڭ بولار ەدى- اۋ...

قۇرالاي سەيسەنبەك قىزى

Facebook-تەگى پاراقشاسىنان