08:24, 23 - قاڭتار 2015 | GMT +5
تۇركيا پرەزيدەنتى تۇرىك دەلەگاتسياسىنا جاسالعان شابۋىلعا قاراماستان سوماليگە بارادى
استانا. قازاقپارات - تۇركيا پرەزيدەنتى تايىپ ەردوگان 24- قاڭتاردا سوماليگە جوسپارلاپ قويعان ساپارىن موگاديشودا تۇرىكتىڭ ارنايى قىزمەتتەرىنىڭ قىزمەتكەرلەرىنە شابۋىل جاسالعانىنا قاراماستان جاسايدى.
بۇل تۋرالى پرەزيدەنت كەڭسەسىنەن حابارلادى.
بۇعان دەيىن حابارلانعانداي، افريكا ەلى استاناسىنداعى اۋدانداردىڭ بىرىندە، پرەزيدەنت سارايىنا جاقىن جەردە مينالانعان كولىك جارىلدى. جارىلىس سالدارىنان بەس پوليتسەي قازا تاۋىپ، ونداعان ادام جاراقات الدى.
تۇركيانىڭ سىرتقى ىستەر ءمينيسترى ميەۆليۋت چاۆۋشوگلۋنىڭ مالىمدەمەسىندە تۇركيا كۇش قۇرىلىمدارى قىزمەتكەرلەرىنىڭ ەشقايىسىسى زارداپ شەكپەگەنى تۋرالى حابارلاندى. قازىرگى ۋاقىتتا تۇرىك دەلەگاتسياسى لاڭكەستىك ارەكەت جاسالعان جەرگە جاقىن ورنالاسقان قوناقۇيدە تۇرىپ جاتىر.
اۆتور: قانات مامەتقازى ۇلى
