ۇيىندە مىڭداعان كىتاپ شاڭ باسىپ جاتقان زيالى قاۋىم مىرزاتاي اعامىزدان ۇلگى السا دۇرىس بولار - ب. ساپاربايەۆ

 اكادەميك مىرزاتاي جولداسبەكوۆ كىتاپحاناسىنىڭ قورىندا  6641 دانا (5685 اتالىم) كىتاپ پەن كىتاپشا بولسا، سونىڭ ىشىندە: 1041 دانا كىتاپ بەلگىلى قالامگەرلەر، اقىندار جانە ديپلوماتتار قولتاڭباسىمەن، 773 دانا (690 اتالىم) ورىس تىلىندەگى كىتاپتار، 415 مەموريالدىق ەكسپوناتتار (كادەسىيلار، پورترەتتەر، ديپلومدار، سەرتيفيكاتتار، مەدالدار، مونەتالار، ت. ب. ) ، 908 ءى (368 اتالىم) اۋديو، بەينەماتەريالدار، گرامپلاستينكالار. وسىلايشا، جالپى العاندا  9526 دانامەن (8162 اتالىم) كىتاپحانا قورى تولىعاتىن بولدى. سونىمەن قاتار، م. جولداسبەكوۆ جەكە قورىنداعى قازاق جانە باسقا دا حالىقتاردىڭ ۇلتتىق اسپاپتارىنىڭ بىرەگەي توپتاماسىن (دومبىرا، جەتىگەن، گارمون، ت. ب. ) ۇلتتىق اكادەميالىق كىتاپحاناعا تاپسىردى.

 سالتاناتتى راسىمگە قاتىسقان ق ر پرەمەر- ءمينيسترىنىڭ ورىنباسارى بەردىبەك ساپاربايەۆ قازاقتىڭ تاريحى، مادەنيەتى، ءتىلى مەن عىلىمىن دامىتۋداعى مىرزاتاي جولداسبەكوۆتىڭ ۇشان تەڭىز ەڭبەگىنە توقتالا كەلە، مۇنداي ايتۋلى وقيعا استانادا عانا ەمەس، قازاقستاننىڭ وزگە وبلىستارىندا جالعاسسا دەگەن تىلەگىن جەتكىزدى.

 «كوپتەگەن زيالى قاۋىمنىڭ ۇيىندە مىڭداعان كىتاپ شاڭ باسىپ جاتىر. سول كىسىلەر مىرزاتاي اعامىزدان ۇلگى السا دۇرىس بولار ەدى. ويتكەنى، وسىنداي يگى شارانىڭ ارقاسىندا ەلىمىزدە كىتاپ وقيتىن، سول كىتاپ ارقىلى ءوزىنىڭ مادەنيەتىن، ءبىلىمىن جەتىلدىرەتىن جاستاردىڭ قاتارى ارتا تۇسەتىن ەدى» ، - دەيدى بەردىبەك ساپاربايەۆ.

اۆتور: قانات مامەتقازى ۇلى