ارىستانبەك مۇحامەدي ۇلى ءانۇران كەزىندە تەلەفون ارقىلى سويلەسۋىنىڭ سەبەپتەرىن ءتۇسىندىردى
«يليا يلين الەم بىرىنشىلىگىندە جەڭگەن كەزدە ءبىز وتە قاتتى قۋاندىق. سونداي ساتتەردە ءاربىر ادام قاتتى تولعانىستا بولادى. جارىس باستالعان كەزدە ءبىز يلياعا ەگەر ول جەڭىسكە جەتسە، ونى مەملەكەت باسشىسى جەكە قۇتتىقتايتىنىن ايتتىق. يليا جەڭىستەن سوڭ، بىردەن پرەزيدەنتپەن قوسۋىن ءوتىندى»، - دەيدى ا. مۇحامەدي ۇلى.
ءمينيستردىڭ سوزىنە قاراعاندا، قازاقستان ءانۇرانى شىرقالىپ تۇرعاندا ونى ماقتانىش كەرنەپ تۇردى.
«ءاربىر پرەزيدەنت ءوز سپورتشىلارىنا ۇلكەن قولداۋ بىلدىرەدى. مەن پرەزيدەنتتەردىڭ سپورتشىلار جەڭىسىنەن كەيىن قۇتتىقتاماعانىن كورگەن ەمەسپىن. پرەزيدەنتتىڭ يليانى قۇتتىقتاۋى بارشا قازاقستاندىقتار اتىنان بولعانىن ءتۇسىنۋ كەرەك»، - دەپ اتاپ ءوتتى مينيستر.
اۆتور: جاسۇلان جولدىبايەۆ
