الەمدەگى ەڭ قاۋىپتى قالالار اتالدى

استانا. قازاقپارات - مەكسيكاندىق «قوعامدىق قاۋىپسىزدىك جانە قىلمىستىق سوت ادىلەتتىگى ازاماتتىق كەڭەسى» ۇكىمەتتىك ەمەس ۇيىمىنىڭ تالداۋىنا سايكەس گوندۋراستىڭ سان- پەدرو- سۋلا قالاسى ءتورتىنشى جىل قاتارىنان ەڭ قاۋىپتى قالا بولىپ تانىلىپ وتىر، دەپ حابارلادى ريا نوۆوستي.

 وسى ۇيىمنىڭ پرەزيدەنتى حوسە انتونيو ورتەگانىڭ ايتۋىنشا، 2014 - جىلى سان- پەدرو- سۋلاداعى كىسى ءولىمى ءاربىر 100 مىڭ ادامعا شاققاندا 171,2 دەن كەلىپ وتىر.

ەكىنشى ورىندا ۆەنەسۋەلانىڭ استاناسى - كاراكاس (100 مىڭ ادامعا شاققاندا 116 كىسى ءولتىرۋ وقيعاسى) جانە مەكسيكاندىق اكاپۋلكو كۋرورتى (104 تەن استام كىسى ءولتىرۋ) تۇر.

بۇل رەيتينگ پايدا كەلتىرەدى، بۇل ساياسي جۇمىس، ول بيلىككە جانە ازاماتتىق قوعامعا جاعدايدى بىلۋگە كومەكتەسەدى، وكىمەت تاراپىنان كىسى ءولىمى دەڭگەيىن تومەندەتۋ جونىندە ۋادە دە بار»، - دەپ ءمالىم ەتتى ورتەگا.

كەڭەستىڭ مالىمەتتەرىنە قاراعاندا، الەمدەگى 50 قاۋىپتى قالانىڭ 47 سى امەريكاندىق قۇرلىقتا، سونىڭ ىشىندە 43 ى - لاتىن امەريكاسىندا ورنالاسقان.

دەگەنمەن كولۋمبيالىق جانە مەكسيكاندىق قالالاردا زومبىلىقپەن كىسى ءولتىرۋ دەڭگەيىن تومەندەتۋ جونىندەگى كورسەتكىشتەر جاقسارعان. ماسەلەن، قىلمىستىق تەررەوندا (مەكسيكا) كىسى ءولتىرۋ سانى ءبىر جىلدىڭ ىشىندە عانا 100 مىڭ ادامعا شاققاندا 54,2 دەن 27,8 گە تومەندەگەن. ال كولۋمبيالىق مەدەليندە 2010  جىلمەن سالىستىرعاندا وسى كورسەتكىشتىڭ تومەندەۋى 67 پايىزدى قۇراعان - 82,6 دان 26,9 عا دەيىن.

تىزىمدەگى 50 قاۋىپتى قالانىڭ 19 ى برازيليادا، 10 ى - مەكسيكادا، بەسەۋى - كولۋمبيادا، تورتەۋى - ۆەنەسۋەلادا جانە تاعى تورتەۋى - ا ق ش-تا ورنالاسقان، دەپ اتاپ وتەدى ۇيىم.