مەرەكە كۇندەرى استاناداعى «بايتەرەك» مونۋمەنتى ەرەكشە جارىقتاندىرىلاتىن بولدى

لوندونداعى ايگىلى Sharb ءزاۋلىم عيماراتىنداعى جارىق ديودتار سانى 11 مىڭ عانا بولسا، مۇنداعى ءتۇرلى- ءتۇستى جارىق ديودتار سانى 12 مىڭنان اسادى. مونۋمەنتتىڭ ەرەكشە جارىقتاندىرىلۋىن مەرەكە كۇندەرى تاماشالاۋعا بولادى.

 «بايتەرەك» مونۋمەنتىنىڭ ءتۇپ بيىگىنە شىعىپ، 97 مەتر بيىكتىكتەن قالانىڭ تۇنگى كورىنىسىن تاماشالاي الاسىز. ەلىمىزدەگى باستى مونۋمەنتتىڭ بيىكتىگى ەل ورداسىن الماتىدان استاناعا اۋىستىرۋ جىلىنا بايلانىستى تاڭدالعان.

مونۋمەنت ەجەلگى اڭىز جەلىسى بويىنشا تۇرعىزىلدى. «بايتەرەك» ورنالاسقان جەرى مەن كومپوزيتسيالىق قۇرىلىسىندا كوشپەلىلەردىڭ ەرەكشە عارىشتىق تۇسىنىكتەرى كورىنىس تاپقان. «بايتەرەك» ءسوزى «ءومىر اعاشى» دەگەن ماعىنانى بىلدىرەدى. عيمارات ءۇش بولىكتەن تۇرادى. نىساننىڭ جەر استى بولىگى ۇلتتىڭ تامىر جايۋىنان وزەكتى وي ورسە، ەكىنشى- ءۇشىنشى بولىكتەرى كەيىنگى وركەندەۋ كەزەڭدەرىنەن كورىنىستەر بەرەدى.

 مونۋمەنتتەگى ەكسكۋرسيالاردى جۇرگىزۋشى ساۋلە سۇيىندىكوۆانىڭ ايتۋىنشا، مۇندا ەكى كومپوزيتسيا ورنالاسقان، ونىڭ ءبىرى «ايالى الاقان» - ەلباسى الاقانىنىڭ ءىزى. ادامدار وعان قولدارىن قويىپ، نيەتتەرىن بىلدىرەدى. سوندا ارمان- تىلەگىڭ ورىندالادى دەگەن نانىم بار. ال «جەراستى الەمى» كومپوزيتسياسى ۇلتتىق مادەنيەتتىڭ، كوشپەلىلەردىڭ رۋحاني الەمىنەن جانە تاريحي وتكەنىنەن سىر شەرتەدى، مۇندا ەربولات تولەپبايدىڭ كارتينالارى ىلىنگەن.

«كەلۋشىلەردىڭ 70-80 پايىزى قازاقستان تۇرعىندارى، شەتەلدىكتەر دە كەلەدى، ت م د ەلدەرىنەن كەلەتىن تۋريستەر دە كوپ»، - دەيدى س. سۇيىندىكوۆا.

«بايتەرەك» مونۋمەنتى كۇن سايىن ساعات 10:00-21.00 ارالىعىندا جۇمىس ىستەيدى. ەرەسەكتەر ءۇشىن بيلەت قۇنى - 500 تەڭگە، 15 جاسقا دەيىنگى بالالار ءۇشىن 150 تەڭگە، دەپ حابارلانعان ەلوردا اكىمدىگىنىڭ رەسمي سايتىندا.