ءبىر جىل بۇرىن ۇشىرىلعان ناسا كەمەسى پلۋتونعا جاقىندادى

استانا. قازاقپارات - NASA ماماندارى توعىز جىل بۇرىن ۇشىرىلعان عارىش كەمەسى پلۋتونعا دەيىن ۇشىپ بارعانىن مالىمدەدى.

 New Horizons اتاۋىن العان عارىش كەمەسىن 2006 - جىلى NASA قىزمەتكەرلەرى ۇشىرعان. ول يۋپيتەر مەن ساتۋرن عالامشارلارىمەن قاتارلاسىپ ۇشقان. ولاردىڭ وربيتاسىنان بولەكتەنگەن كەزدە كەمەنىڭ جىلدامدىعى ارتا تۇسكەن.

 New Horizons عارىش كەمەسىن ۇشىرۋدىڭ ماقساتى - پلۋتون اتموسفەراسىنداعى جىنىستار مەن ولاردىڭ قۇرامىن زەردەلەۋ، سونداي- اق پلۋتون بەتىنىڭ كارتاسىن جاساۋ بولاتىن. وسى اپتادا ماماندار شاعىن عالامشار بەتىنىڭ العاشقى سۋرەتتەرىن ءتۇسىرىپ، جاريالاۋدى جوسپارلاۋدا، - دەپ حابارلادى Mignews پورتالى.