الماتىدا سيرەك بولاتىن قارلى نايزاعاي كۇركىرەدى

مامانداردىڭ ايتۋىنشا، 9.05 تە كۇن كۇركىرەدى. «قارلى نايزاعاي - وتە سيرەك بولاتىن قۇبىلىس. مۇنداي مەتەوجاعدايلار پروتسەسستەردىڭ وتە جىلدام بولىپ جاتقان كەزىندە بولادى، اۋا تەمپەراتۋراسى 10 گرادۋسقا تومەندەيدى. الماتىدا بۇل ۋاقىتتا اۋا اعىمىنىڭ باسەڭدەيتىن جانە كۇشەيەتىن، كونۆەكتيۆتى بۇلتتى اۋا رايى بايقالدى. جىلى اۋا مەن سۋىق اۋانىڭ قاتىناسىنان ەلەكتر بايلانىسى بولىپ، نايزاعايدىڭ كۇركىرى ەستىلەدى»، - دەدى «قازگيدرومەت» وكىلدەرى.

مۇنىمەن قاتار، قارلى نايزاعايدىڭ بولۋىنا اتموسفەرالىق قىسىمنىڭ اۋمالى-توكپەلى جاعدايى دا ىقپال ەتتى. امانقۇلوۆانىڭ ايتۋىنشا، وتكەن ءتۇنى قىسىم ءتۇسىپ، تاڭعى ۋاقىتتا ءۇش ساعات ىشىندە بىرنەشە گەكتوپاسكالعا دەيىن كوتەرىلىپ كەتتى.

«قازگيدرومەت» قىزمەتكەرلەرىنىڭ ايتۋىنشا، الماتىدا قارلى نايزاعاي 2006-جىلى 19- اقپاندا بايقالعان ەدى. ال وعان دەيىن وسىنداي قۇبىلىس 1976 جانە 1985-جىلدارى جەلتوقسان ايلارىندا بولعان ەدى. بۇل تۋرالى ماماندار مەتەورولوگيالىق ستانتسيا جۋرنالىنداعى جازبالاردان ءبىلىپ وتىر.