09:03, 16 - قاڭتار 2015 | GMT +5
ا ق ش رەسمي تۇردە كۋباعا قارسى سانكسياسىن جەڭىلدەتتى
استانا. قازاقپارات - ا ق ش ساۋدا جانە قارجى مينيسترلىگى بەيسەنبىدە كۋباعا قاتىستى جاسالعان سانكسيالىق رەجىمدى رەسمي تۇردە جەڭىلدەتكەنى جايىندا حابارلادى.
2014 - جىلدىڭ اياعىندا بۇل شارانى قابىلداعانى تۋرالى ا ق ش پرەزيدەنتى باراك وباما مالىمدەگەن.
ا ق ش قازىناشىلىق ورگانىنىڭ مالىمدەمەسىنە سايكەس، مۇنداي قادام كۋباعا ساپارعا شىعۋعا رۇقسات بەرۋگە، تۋروپەراتورلارعا ءتيىستى قىزمەتتەر كورسەتۋگە مۇمكىندىك بەرەدى.
بۇدان باسقا، امەريكالىق قارجى ۇيىمدارى كۋبادا تىلشىلەر ەسەبىن اشۋعا، سونداي- اق ارالدان تىس ورنالاسقان كۋبالىق كومپانيالارمەن جۇمىس ىستەۋگە قۇقىق الدى. سونىمەن بىرگە، تەلەكوممۋنيكاتسيا جانە ساۋدا سالاسىنداعى ءوزارا ارەكەتتى دامىتۋ مۇمكىندىكتەرى كەڭەيتىلدى.
بۇدان بۇرىن اق ءۇي گاۆانامەن ديپلوماتيالىق قاتىناستى رەتتەۋگە نيەتتى ەكەنىن حابارلاعان. ءارى ا ق ش پرەزيدەنتى ەمبارگونى دەربەس تولىقتاي الىپ تاستاي المايدى، بۇل ءۇشىن كونگرەسس كەيبىر زاڭداردىڭ كۇشىن جويۋى ءتيىس.
