استانادا قازاقستان حالقى اسسامبلەياسىنىڭ جىلى قارساڭىندا كەڭ اۋقىمدى مادەني ءىس-شارالار وتەدى

اسسامبلەيانىڭ قۇرىلعانىنا 20 جىل تولۋىنىڭ قۇرمەتىنە بۇكىل قازاقستان بويىنشا كەڭ اۋقىمدى ءىس-شارالار وتكىزۋ جوسپارلانعان، دەپ حابارلايدى ەلوردا اكىمدىگىنىڭ باسپا ءسوز قىزمەتى.

قالا تۇرعىندارى مەن قوناقتارى ءۇشىن ەتنومادەني بىرلەستىكتەردىڭ قاتىسۋىمەن كوپتەگەن قىزىقتى ءىس- شارالار دايىندالۋدا. مەرەيتويلىق جىلدىڭ سالتاناتتى اشىلۋى 6 - اقپاندا بەيبىتشىلىك جانە كەلىسىم سارايىندا وتەدى.

«بەيبىتشىلىك جانە كەلىسىم جول كارتاسى» مەگا- جوباسىنىڭ قورىتىندىسى شىعارىلىپ، ەتنومادەني بىرلەستىكتەردىڭ «مەنىڭ قازاقستانىم» قالالىق مۋزىكالىق فەستيۆالى ۇيىمداستىرىلماق.

ەلوردالىق مۇراجايلار مەن مادەنيەت مەكەمەلەرىندە جىل بويى قازاقستانداعى بەيبىتشىلىك پەن تولەرانتتىلىقتى ساقتاۋ، كوپ ۇلتتى مەملەكەتىمىزدى نىعايتۋ ۇرانىمەن ەتنوفەستيۆالدار، پاتريوتتىق كەشتەر مەن تاقىرىپتىق كورمەلەر وتكىزىلەدى.

استانالىق مەكتەپ وقۋشىلارى بەيبىتشىلىك جانە كەلىسىم ساباقتارىنا قاتىسىپ، بالالار شىعارماشىلىعى بايقاۋلارى مەن مەملەكەتتىك ءتىلدى ءبىلۋ سايىستارىندا جارىسقا تۇسەدى.

سونداي-اق، قالالىق مەكتەپتەر مەن جوو مادەني بىرلەستىكتەردىڭ كۇندەرى وتەدى. بيىل ەلوردا كۇنى «استانا بەيبىتشىلىك جانە كەلىسىم قالاسى» ۇرانىمەن اتالىپ وتىلەدى، سونىڭ اياسىندا قالالىق ەتنومادەني بىرلەستىكتەردىڭ قاتىسۋىمەن مەرەكەلىك ءىس-شارالار ۇيىمداستىرىلادى.

ەسكە سالا كەتەيىك، استانادا 100 استام ۇلت وكىلى تۇرادى، 46 جۋىق ەتنومادەني بىرلەستىك بەلسەندى قىزمەت ەتەدى.