فرانسيادا لاڭكەستەردىڭ ارەكەتتەرىن قولداعان ەر ادام ءتورت جىلعا سوتتالدى

استانا. قازاقپارات - فرانسيادا لاڭكەستەر - اعايىندى كۋاشيلەردىڭ ارەكەتتەرىن قولداعان ەر ادام ءتورت جىلعا باس بوستاندىعىنان ايىرىلدى، دەپ حابارلادى ۆالانسەن قالاسىنىڭ پروكۋراتۋراسى (نور دەپارتامەنتى). بۇل تۋرالى ت ا س س اقپارات تاراتتى.

پروكۋراتۋرا مالىمەتىنە سايكەس، دۋشي-لە-مين قالاسىنىڭ تۇرعىنى جول اپاتىنان كەيىن ۇستالدى. ول ماس كۇيىندە كولىك باسقارىپ، باسقا اۆتوكولىكتى سوعىپ كەتكەن.

جۇرگىزۋشى قۇرىقتاۋ كەزىندە پوليتسەيلەرگە قارسىلىق ءبىلدىرىپ، لاڭكەستەر - اعايىندى كۋاشيلەردىڭ ارەكەتتەرىن قولدايتىنىن ايتقان. وسى لاڭكەستەردىڭ ارەكەتتەرىنەن پاريجدە 12 ادام قازا تاپقان بولاتىن.

ەندى جاڭا زاڭعا سايكەس، 30 جاستاعى فرانسۋز ءتورت جىلعا سوتتالىپ، جۇرگىزۋشى كۋالىگىنەن ايرىلدى، سونداي-اق ءۇش جىلعا ونىڭ ازاماتتىق قۇقىقتارى شەكتەلدى.

BNews.kz