اتتاس جانە قۇرداس ادامدار تۋرالى مالىمەت الۋعا بولادى

سول سياقتى بۇل جەردەن قازاقستاندا ءوزىڭىزدىڭ قانشا قۇرداسىڭىزدىڭ بار ەكەنى جانە ولاردىڭ جىنىسى مەن ۇلتى تۋرالى مالىمەتتى دە كورۋگە بولادى. ستاتيستيكا سايتى قۇرداستار مەن اتتاستار تۋرالى مالىمەتتەردى ايماقتار بويىنشا، ءتىپتى، اۋداندار بويىنشا دا تاۋىپ بەرەدى.

ngrinews.kzte ءتىلشىسى وزىمەن اتتاس ءارى قۇرداس ادامدار تۋرالى مالىمەتتەردى قاراپ شىقتى. ءتىلشىنىڭ تۋعان ءوڭىرى - اقتوبە وبلىسىندا ونىمەن قۇرداس بولاتبەك ەسىمدى 27 ادام بار بولىپ شىقتى، قازىرگى مەكەنجايى - الماتى قالاسى بويىنشا 8 ادام، ونىڭ ىشىندە قالانىڭ ءوزى تۇراتىن اۋدانىندا ەكى اتتاس قۇرداسى انىقتالدى. قازاقستان بويىنشا مۇنداي ەسىمدى 9162 ادامنىڭ يەلەنگەنى بەلگىلى بولدى. ءتىلشىنىڭ اتتاس ءارى قۇرداستارىنىڭ قاتارى (32 جاس) رەسپۋبليكا بويىنشا - 235 ادام.

ەسكە سالا كەتەيىك، جۋىردا ستاتيستيكا كوميتەتى 2014-جىلى سابيلەرگە كوپ قويىلعان ەسىمدەردى جاريا ەتكەن بولاتىن. وتكەن جىلى ءاليحان جانە ايزەرە ەڭ تانىمال ەسىمدەر اتاندى. ءاليحان ەسىمى 2798 ۇلعا، ايزەرە ەسىمى 6276 قىز بالاعا قويىلعان. ايزەرە سوڭعى ەكى جىل ىشىندە ەڭ تانىمال ەسىم اتانىپ وتىر. ال ءاليحان الدىڭعى جىلدارى كوشباسشى بولعان ەراسىل ەسىمىن ىعىستىردى.

ngrinews.kzte ءتىلشىسى 2014-جىلدىڭ ەكى تانىمال ەسىمىنە قاتىستى سيفرلاردى تەكسەردى. قازاقستان بويىنشا بارلىعى 21659 ءاليحان بار بولىپ شىقتى. ونىڭ ىشىندە ەسىمى ورىسشا «اليحان» دەپ ەمەس، ءا ارپىنەن باستالىپ جازىلعان 6347 ادام بار. كەيدە ءتۇرلى سەبەپپەن ەر ادام ەسىمىنىڭ قىز بالاعا نەمەسە كەرىسىنشە قويىلىپ جاتاتىن كەزى بولادى. ءبىراق، انىقتاۋ ناتيجەسىندە كوز جەتكەندەي، ەلىمىزدە ءاليحان ەسىمى تەك قانا ەر ازاماتتارعا قويىلىپتى.

ايزەرە ەسىمىن رەسپۋبليكا بويىنشا 16538 ادام يەلەنگەن. ۇلتى «قازاق» دەپ كورسەتىلگەن ايزەرەلەردىڭ قاتارى 1173 ادام دەگەن مالىمەت بار. بۇل ەسىم ۇل بالالارعا قويىلماعان.