00:41, 14 - قاڭتار 2015 | GMT +5
يندونەزيالىق قۇتقارۋشىلار قۇلاعان ۇشاقتىڭ باستى بولىگىن تاپتى
استانا. قازاقپارات - بۇل تۋرالى ىزدەۋ- قۇتقارۋ وپەراسياسىنىڭ جەتەكشىسى مالىمدەدى. اۋە كولىگىنىڭ كورپۋسى جاقىندا ۇشاقتىڭ ارتقى بولىگى تابىلعان اۋماقتان 3 شاقىرىم جەردەن تابىلعان.
الدىن الا مالىمەتتەرگە ساي، وندا اپاتتان قازا تاپقانداردىڭ كوبىنىڭ ءمايىتى تابىلۋى مۇمكىن. وسى ۋاقىتقا دەيىن سۋراباياعا اپاتتىڭ 48 قۇربانىنىڭ ءمايىتى جەتكىزىلىپ، ونىڭ 32 ءسىنىڭ تۇلعاسى انىقتالدى.
ايتا كەتەيىك، مالايزيالىق AirAsia اۋەكومپانياسىنىڭ ۇشاعىمەن بايلانىس 28 - جەلتوقساندا ۇزىلگەن بولاتىن. ونىڭ بورتىندا 162 ادام بولعان. ولاردىڭ بارلىعى قازا تاپتى.
