گيننەسستىڭ رەكوردتار كىتابىنداعى جىلدىڭ ۇزدىك جەتىستىكتەرى ىرىكتەلدى - كەسكىن
جىلدىڭ ۇزدىك وقيعالارى «اۆتورلارىنىڭ» قاتارىن وتكەن جىلى رەسەي، پورتۋگاليا، فرانسيا، ا ق ش جانە جاپونيا وكىلدەرى تولىقتىردى.
جىلدىڭ باستى رەكوردشىلارىنىڭ ءبىرى - جالپى ۇزاقتىعى 41 كۇن بولاتىن مارافونداردى جۇگىرىپ شىققان پورتۋگاليالىق جەلاياق ماريا كونتسەيتساو. سونىمەن بىرگە، ۇزدىك رەكوردتار ءتىزىمىن 23,78 سەكۋندتا سەكىرتپە جىپتەن 100 رەت اتتاعان امەريكالىق پيتەر نەستلەردىڭ جەتىستىگى دە تولىقتىرىپ وتىر. التى جەتىستىكتىڭ ەكەۋى جاپون ازاماتتارىنا تيەسىلى، ولاردىڭ ءبىرى فوتوسۋرەتكە ارنالعان ەڭ ۇلكەن فوندى جاساسا، ەكىنشىسى اتبۇرشاقتان ءىرى موزايكا قۇراستىرعان.
گيننەسستىڭ رەكوردتار كىتابىنا تاعى ءبىر الىپ موزايكا ەنىپ وتىر، ونى رەسەي مەن فرانتسيانىڭ بىرلەسكەن كومانداسى قۇراستىردى. موزايكانىڭ اۋدانى - 150 شارشى مەتر، ونى جاساۋعا 285 مىڭ تىعىن مەن 270 كەلى جەلىم جۇمسالدى. ا ق ش ستاديونىندا 344 ادامنىڭ فيليپپيننىڭ تينيكلينگ ءدىني ءبيىن ورىنداۋى دا ۇزدىك جەتىستىكتەر قاتارىنا ەندى.
وتكەن جىلدىڭ ۇزدىك جەتىستىكتەرى سايتتاعى داۋىس بەرۋدىڭ ناتيجەسى بويىنشا ىرىكتەلدى. گيننەسستىڭ رەكوردتار كىتابى - جىل سايىن شىعارىلاتىن جيناق. وعان ادامداردىڭ ۇزدىك جەتىكستەرى مەن تابيعي ارتىقشىلىقتارى ەنگىزىلەدى.
