جىلدام تاماقتانۋ مەيرامحانالارى جاپونيادا ادامداردى تاعى دا جيىركەندىردى
بۇل تۋرالى كومپانيانىڭ جاپونياداعى ءبولىمى باسشىلىعىنىڭ وكىلدەرى حابارلادى، دەپ جازادى ت ا س س.
وتكىزىلگەن تەرگەۋ قورىتىندىلارى بويىنشا، كومپانيا تابىلعان ۇزىندىعى شامامەن 5 ميلليمەتر مەتالل سىنىعى مەيرامحانادا بۋرگەرلەر ءۇشىن كوتلەت قۋىراتىن بۇيىمنىڭ بولشەگى بولدى دەگەن تۇجىرىمعا كەلدى.
بۇل سوڭعى ۋاقىتتا جاپونياداعى McDonald's كومپانياسىنا قاتىستى ءبىرىنشى جانجال ەمەس. وتكەن اپتادا كومپانيا 2014 - جىلدىڭ جازىندا وساكا قالاسىنداعى جىلدام تاماقتانۋ جۇيەسى مەيرامحانالارىنىڭ بىرىندەگى فري كارتوبىنىڭ ىشىنەن ادامنىڭ ءتىسى شىققانىن مالىمدەدى.
بۇعان دەيىن McDonald's -تىڭ ميساۆا قالاسىنداعى (اوموري پرەفەكتۋراسى) مەيرامحانالارىندا ازىرلەنگەن تاۋىق ناگگەتستەرىنىڭ ىشىنەن پلاستماسسا بولىكتەرى تابىلعان ەكى وقيعا تۋرالى بەلگىلى. بۇل وقيعادان كەيىن كومپانيا تەكسەرىس جۇرگىزە باستادى.
كەيىننەن بۇل ناگگەتستەر كومپانيانىڭ تايلاندتاعى زاۋىتتارىنىڭ بىرىندە ازىرلەنگەنى انىقتالعان.
