قوستاناي وبلىسىندا ادامدارعا شابۋىلداماق بولعان سىلەۋسىن اتىلدى
كۋاگەرلەر جۋرناليستەرگە بۇل جانۋار الدىمەن اۋلا يتىنە، كەيىن ادامعا - «رامازان- قاراسۋ» ج ش س كولىك اۋلاسىنىڭ كۇزەتشىسىنە شابۋىل جاساماق بولعانىن حابارلاعان.
كۇزەتشى باسقالاردى كومەككە شاقىرعاندا سىلەۋسىن اۋلاداعى جۇك كولىكتەردىڭ ءبىرىنىڭ استىنا جاسىرىنىپ قالعان. كەيىن ول وقيعا ورنىنا شاقىرىلعان اڭشىلارعا دا شابۋىلداۋعا ارەكەتتەنگەن. ادامدارعا قاۋىپ توندىرگەن جانۋاردى اتۋ تۋرالى شەشىم قابىلداندى.
سىلەۋسىن قازاق دالاسىنا رەسەيدىڭ قازاقستانمەن شەكارالاس ورمان ايماعىنان كەلىپ، اداسىپ قالعان سوڭ ەلدى مەكەنگە كىرىپ، وزىنە ازىق ىزدەگەن بولار، دەگەن جورامالدار جاسالۋدا.
ولتىرىلگەن جانۋاردىڭ دەنەسى اۋدان ورتالىعىنا جىبەرىلدى. ونى اۋداندىق مۇراجايعا قويۋ ءۇشىن تاكسيدەرميا ۇردىسىنەن وتكىزۋى مۇمكىن.
