راحات اليەۆتىڭ اكەسى، مەديتسينا عىلىمدارىنىڭ دوكتورى، اكادەميك مۇحتار اليەۆ دۇنيەدەن ءوتتى

بۇل تۋرالى قازاقپارات تىلشىسىنە ا. سىزعانوۆ اتىنداعى ۇلتتىق عىلىمي حيرۋرگيا ورتالىعىنىڭ باۋىر اۋرۋلارى حيرۋرگياسى ءبولىمىنىڭ باس عىلىمي قىزمەتكەرى ماناس سەيسەمبايەۆ حابارلادى.

«بۇل وقيعا بۇگىن تاڭەرتەڭ بولعان»، - دەدى م. سەيسەمبايەۆ.

ونىڭ ايتۋىنشا، م. اليەۆپەن قوشتاسۋ 13- قاڭتار كۇنى ساعات 10:00 دا الماتىداعى عىلىم اكادەمياسىنىڭ عيماراتىندا وتەدى.

مۇحتار اليەۆ 1933-جىلى 2- اقپاندا  قىزىلوردا وبلىسىندا دۇنيەگە كەلگەن. 1957- جىلى الماتى مەملەكەتتىك مەديتسينا ينستيتۋتىن بىتىرگەن. 1982-1987-جىلدارى قازاق ك س ر دەنساۋلىق ساقتاۋ ءمينيسترى، ا. ن. سىزعانوۆ اتىنداعى حيرۋرگيا عىلىمي ورتالىعىنىڭ ديرەكتورى بولدى.