استانادا اۆتوبۋس جۇرگىزۋشىسى جول سۇراعان جولاۋشىعا تەمىر الا جۇگىردى - كەسكىن
بۇل وقيعاعا سول اۆتوبۋستىڭ ىشىندە وتىرعان قازاقپارات اگەنتتىگىنىڭ جۋرناليسى كۇنسۇلتان وتارباي كۋا بولىپ، جاڭجالدى قالتا تەلەفونىنا ءتۇسىرىپ العان.
كەلەڭسىز جاعداي بارايەۆ كوشەسى، بارايەۆ ايالداماسىندا ورىن الدى. اۆتوبۋستىڭ الدىڭعى ەسىگىنەن ءۇڭىلىپ جول سۇراعان ادامعا جۇرگىزۋشى نە سەبەپتەن ەكەنى بەلگىسىز، ورىندىعىنىڭ استىنان كەسپەلتەك تەمىر الا جۇگىرگەن. جولاۋشى ۇشكىر زاتتان سەسكەنىپ، كەيىن قاراي قاشقانىمەن اشۋعا بۋلىققان جاس جۇرگىزۋشى الگىنىڭ جاعاسىنان الا تۇسەدى. سول ساتتە جابىرلەنۋشىنىڭ قاسىندا تۇرعان ءبىر ايەل اراشا تۇسپەك بولىپ، جۇرگىزۋشىنىڭ قولىنداعى تەمىرگە جارماسادى.
ال ايالدامادا تۇرعان وزگە جۇرتتار توسىننان ورىن العان وقيعانىڭ نەدەن باستالعانىن، ناقتى كىمنىڭ كىنالى ەكەنىن تۇسىنبەي، اڭتارىلىپ قالسا كەرەك. جاڭجالداسقاندارعا اراشا تۇسكەن ايەل جۇرگىزۋشىنىڭ كەسىرىنەن جەرگە قۇلاپ تۇسكەندە عانا بارىپ، وزگەلەر كومەككە ۇمتىلادى.
ال انا ايەل جەرگە قۇلاسا دا، جۇرگىزۋشىنىڭ قولىنداعى تەمىردەن ايىرىلعان جوق. ءبىراق ءوزىنىڭ قاتتى سوققى العانى بەينەجازبادان انىق كورىنىپ تۇر.
ال جۇرگىزۋشى بولسا، ونى تۇرعىزىپ، كەشىرىم سۇراماق تۇگىلى، قولىنا ۇستاپ الىپ تۇسكەن تەمىرىنە دە قاراماستان اۆتوبۋسىنا وتىرىپ، كەتە بارادى.
حالىقتىڭ اماندىعىن باستى نازاردا ۇستاۋى ءتيىس قوعامدىق كولىك جۇرگىزۋشىلەرىنىڭ اراسىندا وسىنداي دا سوراقىلىققا جول بەرەتىن جانداردىڭ بار ەكەندىگى وكىنىشتى-اق.
