ۇشاقتىڭ اۆاريالىق ەسىگىن اشقان جولاۋشىلار قىتايدا ۇستالدى
MU2036 رەيسىنىڭ كۋنميننەن بەيجىڭگە ۇشۋى ماسكەۋ ۋاقىتى بويىنشا 16:45 كە جوسپارلانعان، الايدا تولاسسىز قار جاۋۋىنىڭ سالدارىنان ەكىنشى كۇنى تاڭەرتەڭگە قالدىرىلعان. جولاۋشىلار اۋەجاي قىزمەتكەرلەرى قاردى تازالاعانشا بىرنەشە ساعات ۇشاقتىڭ ىشىندە وتىرعان، دەپ حابارلادى جەكسەنبىدە فرانس پرەسس اگەنتتىگى.
بىرنەشە ساعاتتان كەيىن كەيبىر جولاۋشىلار وزدەرىن جايسىز سەزىنىپ، ەكيپاج مۇشەلەرىنەن سىرتقا شىعارۋدى وتىنەدى. ءبىراق ولار باس تارتادى. ەكيپاج مۇشەلەرى ۇشاق ۇزاق تۇرمايتىنىن، قار تازالاپ بولعان سوڭ، كوپ كەشىكپەي ۇشاتىنىن ەسكەرتەدى. سول كەزدە ادامدار ورىندارىنان تۇرىپ، ۇشىرىلىمدى توقتاتۋ ءۇشىن اۆاريالىق ەسىكتەردى اشىپ تاستاعان، دەپ حابارلادى شينحۋا اگەنتتىگى.
ەكىنشى ۇشقىش جاعدايدى تۇسىندىرمەك بولعان، ءبىراق جولاۋشىلار قۇلاق اسپاعان.
ۇشۋ جولاعىن رەتكە كەلتىرگەن ۇشاقتىڭ قونۋ الاڭىنا قايتا ورالۋىنا تۋرا كەلدى. وقيعاعا قاتىسى بار جولاۋشىلار جەرگىلىكتى پوليتسيا بولىمشەسىنە جەتكىزىلىپ، قالعاندارى كەلەسى رەيسپەن ۇشىپ كەتتى.
