07:55, 12 - قاڭتار 2015 | GMT +5
تانىمال ءانشىنىڭ كونسەرتى كەزىندە اتىس بولدى
استانا. قازاقپارات - سان-حوسە قالاسىندا (كاليفورنيا شتاتى) بولعان كريس براۋننىڭ كونسەرتى كەزىندە بەلگىسىز بىرەۋ وق جاۋدىرعان. سالدارىنان بەس ادام جارالاندى، دەپ حابارلايدى Entertainment Weekly باسىلىمى.
«فيەستا» كلۋبىندا اتىس باستالعان شاقتا براۋن ءوزىنىڭ كوپكە تانىمال ءانىن ورىنداپ جاتقان. زارداپ شەككەندەر اۋرۋحاناعا جەتكىزىلدى. دارىگەرلەردىڭ پىكىرىنشە، ولاردىڭ ومىرىنە قاۋىپ ءتونىپ تۇرعان جوق.
ءتارتىپ ساقشىلارى بىرنەشە كۇدىكتىنى ۇستادى. وقيعا ورنىندا پوليتسيا جۇمىس ىستەپ جاتىر.
