پرەمەر مينيستر باسپالداققا ءسۇرىنىپ قۇلاپ قالدى

استانا. قازاقپارات - پاريجگە بىرلىك مارشىنا قاتىسۋعا كەلگەن دات پرەمەرى حەللە تورنينگ-شميتت فرانسيا فرانسۋا وللاندتىڭ رەزيدەنتسياسىنان شىعا بەرە باسپالداققا ءسۇرىنىپ، تىزەرلەي قۇلادى، دەپ حابارلايدى vesti.ru.

ساياساتكەردىڭ ورنىنان جەدەل تۇرىپ كەتۋىنە جانىندا ىلەسىپ جۇرگەن فرانسيانىڭ قورعانىس ءمينيسترى نيكولاي ۆاممەن جانە ادىلەت ءمينيسترى مەتتە فرەدەريكسەن كومەكتەستى.

ۇكىمەت باسشىسىنىڭ سوزىنە قاراعاندا، مۇنداي وقيعانىڭ بولۋى ءبىرىنشى رەت ەمەس.

«بىردە وسىندا مەن تۋفليىمدى جوعالتىپ تا العانمىن»، دەدى ول جانىندا تۇرعان جۋرناليستەرگە كۇلىمسىرەي قاراپ. «ءبىر تاڭقالارلىعى، وسىنداي قۇلاۋدان كەيىن دە مەندە ءبارى ويداعىداي».

ەسكە سالا كەتسەك، پاريجدە وتكەن رەسپۋبليكالىق بىرلىك شەرۋىنە 1,5 ميلليون ادام قاتىستى. ولاردىڭ ىشىندە مەملەكەت باسشىلارى مەن تانىمال ساياساتكەرلەر بار.