اسكەري ۇشقىشتار ۇلى وتان سوعىسىنىڭ ارداگەرلەرىنە ەرەكشە سىيلىق دايىنداۋدا
قازىرگى ۋاقىتتا ونەر كورسەتۋ جوسپارى ازىرلەنۋدە، بۇل بارلىق سوعىس ارداگەرلەرى ءۇشىن وزگەشە سىيلىق، سونداي-اق قازاقستاندىق اسكەري ۇشقىشتار جاۋىنگەرلىك ازىرلىگىنىڭ كورسەتكىشى بولادى دەپ حابارلايدى ق ر قورعانىس مينيسترلىگىنىڭ باسپا ءسوز قىزمەتى.
اسكەري قىزمەتشىلەر مەرەيتويلىق كۇننىڭ قۇرمەتىنە اسپاندا ۇشاقتارمەن «70» سانىنىڭ بەينەسىن تۇزەپ ۇشۋ يدەياسىن ۇسىندى. بۇدان بولەك، ۇشقىشتار جوعارى پيلوتاجدىڭ ءتۇرلى فيگۋرالارىن ورىندايتىن بولادى. سولاردىڭ ءبىرى - اتاقتى «نەستەروۆ تۇزاعى».
«ءبىر ۇشاقپەن وسى فيگۋرانى ورىنداۋ اسا كۇردەلى ەمەس، الايدا ونى توپ قۇرامىندا جاساۋ بارىنشا ءبىلىمدى، شەبەرلىك پەن تاجىريبەنى قاجەت ەتەدى. ويتكەنى بىرنەشە ۇشاق بىرلەسىپ بىردەي قوزعالۋى ءتيىس.
سوندىقتان دا ۇشقىشتار توپ قۇرامىنداعى ۇشۋلارعا كىرىسەردىڭ الدىندا تەوريالىق جانە پراكتيكالىق دايىندىق كۋرسىنان وتەدى»، - دەپ اڭگىمەلەيدى مايدان اۆياتسياسىنىڭ ۇشقىشى پودپولكوۆنيك نۇرلان ورازوۆ. 2007-جىلدان بەرى ول ءىس جۇزىندە بارلىق اسكەرلەر پارادتارىنا قاتىسىپ كەلەدى. «الداعى بولار ءىس-شارانى ءبىز اسىعا كۇتەمىز. ق ر ق ك اۋە قورعانىسى كۇشتەرى دايىنداعان باعدارلاما ارداگەرلەر ءۇشىن ەرەكشە سىيلىق جانە بارشا جۇرتقا ەستە قالارلىق كورىنىس بولاتىنىنا سەنەمىز»، - دەيدى نۇرلان ورازوۆ.
قازىرگى ۋاقىتتا ق ر ق ك اۋە قورعانىسى كۇشتەرىنىڭ ساپىندا سۋ-25, سۋ-27, ميگ-23, ميگ-27, ميگ-29, ميگ-31 سياقتى قۋاتتى جاۋىنگەرلىك ۇشاقتار بار. ال بۇل قۋاتتى جاۋىنگەرلىك ماشينالاردى قاتارى جىل سايىن ەكى مارتە كەڭەس وداعىنىڭ باتىرى تالعات بيگەلدينوۆ اتىنداعى اۋە قورعانىسى كۇشتەرى اسكەري ينستيتۋتىنىڭ تۇلەكتەرىمەن تولىعىپ وتىراتىن تاجىريبەلى ۇشقىشتار باسقارادى.
Baq.kz
