اقان ساتايەۆتىڭ جاڭا فيلمى جارىققا شىقتى
ەستەرىڭىزدە بولسا، «ساتاي فيلم» كينوكومپانياسى كانادالىق «Know Rules Media» كينوكومپانياسىمەن بىرىگىپ، «حاكەر» كينوجوباسىن قولعا الىپ، 2013- جىلى ءتۇسىرىلىم جۇمىستارىن باستاعان بولاتىن. سونداي-اق، قازاقستانداعى ەڭ تابىستى رەجيسسەر سانالاتىن اقان ساتايەۆ بۇعان دەيىن «رەكەتير»، « جاۋجۇرەك مىڭ بالا»، «اداسقاندار»، « ليكۆيداتور» اتتى كارتينالاردى ءتۇسىرىپ، وتاندىق كينەماتوگرافيادا ءوز بەدەلىن مىقتاپ بەكەمدەگەن سۋرەتكەر. « حاكەر» درامالىق تريللەرى اقان ساتايەۆتىڭ العاشقى باتىستىق جوباسى.
تيمۋر جاقسىلىقوۆ پەن جاس كينەماتوگرافشى سانجار سۇلتانوۆ جازعان سەناريدىڭ جەلىسى بويىنشا، كينوفيلمدە نەسيە كارتاسىن الاياقتىق جولمەن بۇزىپ كۇن كورەتىن حاكەردىڭ شىنايى ءومىرى باياندالادى. جاس جىگىت جەڭىل جولمەن بايلىققا كەنەلگىسى كەلىپ، حاكەرلىك الەمنىڭ تۇبىنە تەرەڭدەپ كەتەدى. ءبىراق ول جەڭىل اقشانىڭ سوڭى اۋىر ازاپقا الىپ كەلەرىن كەش ۇعادى.
فيلمدە ەميگرانتتار وتباسىندا دۇنيەگە كەلگەن كيبەركەڭىستىكتىڭ مامانى الەكس دانيليۋكتىڭ ءرولىن جاس اكتەر كاللەن ماكوليفف، ال، ونىڭ قۇربىسىنىڭ ءرولىن كيرا ۋيتتالدى دجەك نيكولسوننىڭ قىزى لوررەين سومدايدى. ءتۇسىرىلىمنىڭ ءوزى نيۋ-يورك، تورونتو، بانگكوك سەكىلدى ءىرى قالالاردا وتكەن.
باتىستىق تۋىندى رەجيسسەر ءۇشىن ۇلكەن تاجىريبە جيناۋعا ارنالعان مەكتەپ بولدى. «مەن ءۇشىن بۇل تاعى ءبىر مەكتەپ، وتە ۇلكەن تاجىريبە. كوپ نارسە ۇيرەندىم. ءتۇسىرىلىم پروتسەسستەرىندە ۇلكەن ايىرماشىلىق بولماسا دا، قىزمەتشىلەرمەن جۇمىس ىستەۋ تۇرعىسىنان ءبىراز ايىرماشىلىق بار ەكەن. مىسالى، اكتەر 12 ساعاتتان كوپ جۇمىس جاساماۋى كەرەك. ال رەجيسسەر ەپيزودتا وينايتىن اكتەرلەرمەن سويلەسپەۋى كەرەك، كەڭەس بەرمەۋى كەرەك، تەك كومەكشىلەرى عانا. ەگەر باسشى ونىمەن سويلەسسە، وندا ول اكتەردىڭ تابىسىنا تاعى تابىس قوسىلادى. نەمەسە، ەگەر اكتەرلەر كادردا ءبىر-ءبىرىنىڭ يىعىنان ءتۇرتۋ كەرەك بولسا (مەن توبەلەسۋ جايلى ايتپايمىن، جاي عانا يىعىن تيگىزۋ)، وندا مۇنى تريۋكاچتار جاساۋى ءتيىس ەكەن. ال ەگەر اكتەرلەر وزدەرى ىستەسە، وندا تاعى اقشا سۇرايدى. تاعى ءبىر قىزىقتىسى، تۇسكى اس ۋاقىتى قاتاڭ رەتتەلگەن جانە ءۇزىلىس كەزىندە ەشكىم جۇمىس جايلى اڭگىمەلەسپەيدى ، ءتىپتى تىيىم سالىنعان»، - دەپ اقان ساتايەۆ باسپا ءسوز بەتتەرىنە بەرگەن سۇحباتىندا ايتىپ كەتكەن.
ەندەشە، كوپتەن كۇتكەن باتىستىق جاڭاشا تۋىندىنى جاقىن ارادا كورەتىن بولامىز.
baistars.kz
