پاك كىن حە سولتۇستىك كورەيانىڭ كوشباسشىسىمەن كەزدەسۋگە دايىن

استانا. قازاقپارات - وڭتۇستىك كورەيا پرەزيدەنتى پاك كىن حە سولتۇستىك كورەيانىڭ كوشباسشىسى كەم چەن ىنمەن كەزدەسۋگە دايىن ەكەنىن مالىمدەدى.

كەزدەسۋگە نەگىزگى سەبەپ -  پحەنيانمەن بەيبىت ديالوگ ورناتۋ. بۇل تۋرالى ول ءداستۇرلى جاڭاجىلدىق باسپا ءسوز ءماسليحاتىندا مالىمدەدى.

«مەن بەيبىت جولمەن وداقتاستىق قۇرۋ ءۇشىن، كەز كەلگەن اداممەن كەزدەسە الامىن»، - دەدى پاك كىن حە. ونىڭ ايتۋىنشا، بۇل كەزدەسۋ ەكى كورەيا ەلىن بەيبىت جولمەن بىرىكتىرۋدىڭ نەگىزىن قالاۋىن مۇمكىن.

پاك كىن حە: «سولتۇستىك كورەيا ءوزىنىڭ ادال نيەتىن كورسەتىپ، قارۋسىز ايماق قۇرۋ بويىنشا شارالار قابىلداۋى كەرەك»، - دەپ اتاپ ءوتتى.

 بۇدان بۇرىن 2000 جانە 2007 - جىلى ەكەۋارالىق كورەي سامميتى وتكەن بولاتىن. سامميت بارىسىندا سولتۇستىك كورەيانىڭ بۇرىنعى باسشىسى كيم چەن ير وڭتۇستىك كورەيانىڭ ەكس- پرەزيدەنتتەرى كيم دە دجۋن مەن نو مۋ حەن كەزدەسكەن ەدى. سونداي- اق سولتۇستىك كورەيا ءوزىنىڭ يادرولىق قارۋ باعدارلامالارىن جويۋعا كەلىسىم بەرگەن.

 الايدا 2006, 2009 جانە 2013 -جىلى اتالمىش مەملەكەت جەر استى يادرولىق سىناعىن وتكىزگەن. ب ۇ ۇ بۇعان قاتىستى پحەنيانعا قارسى سانكسيا دا سالدى. بىرنەشە كۇن بۇرىن سولتۇستىك كورەيا ەلى، ا ق ش پەن وڭتۇستىك كورەيا بيىلعى بىرلەسكەن اسكەري جاتتىعۋلارىن وتكىزبەسە، ءبىز يادرولىق سىناقتاردان باس تارتامىز دەپ مالىمدەدى. ءبىراق ۆاشينگتون بۇل ۇسىنىستى قابىلدامادى.

www.khabar.kz